• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Foto: Eva-Maria Nilssen

GULASKUDDAN/ ALMMOLAŠ DÁRKKISTUS

UNJÁRGGA GIELDDA KULTURMUITTUID JA KULTURBIRRASA OASSEPLÁNA

Áigumuš plánain lea addit ollislaš gova gieldda kulturmuittuin ja kulturbirrasis, mo buoremus lági mielde sáhttá čuovvulit ja sihkkarastit daid.

Unjárgga ovdagoddi dahke čuovvovaš mearrádusa iežaset čoahkkimis 21.03.2019:

Gielddaoasseplána, mii guoská kulturmuittuide ja kulturbirrasii galgá sáddejuvvot gulaskuddamii ja biddjot almmolaš dárkkistussii plána- ja huksenlága § 12-10 mearrádusaid mielde. Gielddaoasseplána, mii guoská kulturmuittuide ja kulturbirrasii čuovvu gielddalaš plánastrategiija 2016-2019, man gielddastivra lea dohkkehan 20.09.2016 ášši 64/16.

Áigumuš plánain lea addit ollislaš gova gieldda kulturmuittuin ja kulturbirrasis, mo buoremus lági mielde sáhttá čuovvulit ja sihkkarastit daid. Ja mo ovddidit máhtu ja miellaguoddu daidda, muhto maiddái ovddidit man láhkai dat sáhttet báikkálaččat loktet árvolassáneami earenoamážit mátkeealáhusas ja ealáhusdoaimmain, riggodahttimiin olgoáibmodoaimmaid ja ássanmiela. Plána galggašii ođasmahttojuvvot čađat nu go eará gieldda plánat dasgo vuoruhusat ja fuomášumit rivdet.

Gieldda kulturmuittuid ja kulturbirrasa oasseplána lea jurddašuvvon diehtogirjin ja reaidun álbmotdiehtun. Gielda dáhttu ahte oasseplána galggašii manjidáiggis ođasmahttojuvvot dasgo ođđa dieđut bohtet ovdán.

Gulaskuddanáigemearri lea miessemánu 6. Beaivve 2019.

Gulaskuddancealkámušaid sáddejuvvojit dán čujuhussii: Unjárgga gielda, Ráđđeviessu/Nesseby kommune v/ Teknisk, 9840 Varangerbotn, dahje e-poastta čujuhussii postmottak@nesseby.kommune.no, ovdal miessemánu 6. Beaivve 2019.

 

Vuolábealde gávnnat čuovvovaš mildosiid:

- Álgoevttohus gieldda kulturmuittuid ja kulturbirrasa oasseplánii

- Unjárgga gieldda kulturmuittuid oppalašlistu

Tips en venn  Skriv ut
Web levert av CustomPublish AS