• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2

Rabas virggit vuođđoskuvllas ja mánáidgárddis 01.08-2014 rájes

Unjárgga oahpppgáldus leat rabas virggit skuvllas ja mánáidgárddis.

 

UNJÁRGGA GIELDA/NESSEBY KOMMUNE

9840 VUONNABAHTA/VARANGERBOTN

 

 

 

 

UNJÁRGGA OAHPPOGÁLDU

 

 

Unjárgga gielda lea uhca sámegielddaš Nuorta-Finnmárkkus gos leat sullii 914 ássi. Gielda lea siskit Várjjatvuonas. Vuonnabahta lea gieldda guovddáš. Gielddas lea vuogas ja čáppa luondu ja lea Nuorta-Finnmárkku guovddážis. Vuonnabađas Čáhcesullui – lagamus gávpogii – lea sullii 5 miilla.

 

Ođđajagimánus 2012 fárriimet ođđa bajásšaddanguovddážii, Unjárgga oahppogáldu, gos sihke mánáidgárdi, skuvlla ja SÁO ja rávesolbmuidoahpahus lea seamma visttis. Dát mearkkaša ahte mis lea  oktasaš pedagogalaš ovttasbargu vuođđu. Bajásšaddanguovddáš čuovvu PALS – modealla – “Positiivalaš láhtten, doarjja oahppanbiras ja ovttasdoaibman skuvla “.

 

 

Unjárgga oahppogáldus leat 125 máná, 50 mánáidgárddis ja 75 skuvllas, 1.-10.luohkká rádjái.

Skuvllas lea bistevaš ovttasbargu Davvi-Oarje Ruoššain.

Mánáidgárdi lea sámi mánáidgárdi mii erenoamážit deattuha nannet ja ovddidit sámi giela ja kultuvrra.  

Gieldda bajimus mihttomearri lea ahte eanáš oassi ássiin galget máhttit sámegiela.

Bajásšaddanguovddáža bargit geavahit lagasbirrasa mátkkiide ja eará gelddolaš doaimmaide mat leat vuođđun oahpahusas. 

 

Rabas virggit vuođđoskuvllas ja mánáidgárddis

 

Skuvllas:             1/8-14 rájes lea rabas sadjásaš oahpaheaddjivirgi, gitta  270 %.

 

Fágadárbbut: sámegiella, musihkka, erenoamášpedagogihkka, dárogiella ja eaŋgalasgiella.

 

               Fra 20/8-14 er det ledig 50 % stilling som skoleassistent, mulig fast stilling.

 

Mánáidgárddis: Guokte bistevaš virggi sámegielat pedagogalaš jođiheaddjin 20/8-14 rájes.

Jus virgái biddjo siskkáldas bargi, de rahpasit assisteantavirggit.

 

                              Sadjásaš assisteanta virgi sámegielat ossodagas, 2014/15 mánáidgárdejahkái.

 

Rabas virgi ovdaskuvlaoahpaheaddjin dárogielat ossodagas. Earát sáhttet maid ohcat. Virgi sáhttá šaddat bistevažžan.

 

Ohcat olbmo gii/geas:

  • Hállá sámegiela, dovdá – ja dovddaha positiivalaš guottuid báikkálaš sámi kultuvrii.
  • Ovddida buori ovdánahttin birrasa mánáide, ja máhttá oaidnit mánáid dárbbuid.
  • Lea fágalaš beroštupmi mánáid ovdáneapmái, ja háliida iežas fágalaččat ovdánahttit.
  • Leat buorit gulahallan- ja ovttasbargonávccat ja lea mielde ovdánahttimin ja nannemin buori bargobirrasa.
  • Máhttá čoavdit hástalusaid mat čuožžilit  bargobirrasis.
  • Veahkeha organisašuvnna proseassaid oktavuođas ovdánahttit oktasaš pedagogalaš vuođu.
  • Máhttit ásahit ja doalahit buriid  oktavuođaid vánhemiiguin.
  • Lea positiiva, luohtehahtti, ávddolaš, gii lea iešheanálaš ja sealggalaš beaivválaš doaimmain.
  • Lea bargoduogáš mánáidgárddis.
  • Pedagogalaš jođiheaddji mánáidgárddis ferte máhttit sámegiela sihke njálmmálaččat ja čálalaččat .

 

 

Deattuhat relevánta oahppu, bargoduogáža ja persovnnalaš heivveolašvuođa. 

 

 

Virggiide gullet:

  • Virgáinammadeamit dahkkojit gustojeaddji lágaid ja šiehtadusaid vuođul.
  • Skuvlla- ja mánáidgárddevirgiide gáibiduvvo dohkkehuvvon politiijaduođaštus, mii lea duođaštuvvon maŋimuš golbma mánus siste.
  • Heivvolaš kandidáhtat gohččojuvvojit jearahallamii.
  • Vearroovdamonit/ lohkanloatna vuoliduvvo Stuorradikki mearrádusa vuođul, gč. http://www.tiltakssonen.no/

 

 

Eanet dieđuid virggiid birra oažžu go riŋge tlf. 40 44 05 09  dahje geahča ollislaš almmuhusa gieldda ruovttusiidduin http://www.nesseby.kommune.no/.

 

 

Ohcanáigemearri :  14. 04. 2014.

Dáhttut referánssaid.  Ohcan oktan cv:in, duođaštuvvon skuvlla ja bargoduođaštusa kopiijaiguin sáddet čujuhussii:

Unjárgga gielda / Nesseby kommune, 9840 Varangerbotn.

Tips en venn  Skriv ut
Web levert av CustomPublish AS