• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling_100x100

Rabas virggit Unjárgga gielddas, dikšun- ja fuolahus.

Koahkkaassisteanta /koahkka 40 % virgi – bistevaš. Sadjásaččat 2014 geasseboddui: Buohccedivššár, veahkkedivššár/dearvvašvuođabargi ja assisteanta dikšumii, buhtisteapmái ja kievkkanii.

Unjàrgga gielda lea uhca sámi gielddaš gos ásset sullii 900 olbmo. Gielda lea oassi sámi hálddašanguovllus ja lea guovttegielat gielda- sámegiella ja dárogiella. Gielda birastahttá Várjavuona siskkit oasi ja Vuonnabahta lea gieldda guovddáš. Dáppe lea čába ja erenoamáš luohtu ja buorit bivdin/oaggun ja olgunastin vejolašvuođat. Lagamus gávpogii Čáhcesullui lea sullii 5 miilla. Unjárgga gieldda dikšun ja fuolahus lea uhca doaimmaš masa álkit oahpásmuvvá ja das leat guokte ossodaga: Buhcciidsiida – ja oanehisáigge orrunsajit, oktiibuot 14 saji ja ruoktobuohccedikšu mii velá doaimmaha 10 váittaásahaga. Dikšun ja fuolahusas lea sierra kievkkan institušuvnnas  gos ráhkadit borramuša ássiide ja borramušfievrrideapmái.

Mii ohcat:

Koahkka assisteanta/koahkka 40 % virgái – bistevaš. Virgái gullá beaivebargu ja bargu velá juohke goalmmát vahkkoloahpa, bargoáiggi rehkenastit gaskamearálaččat. Ohcci ferte sáhttit bargat iešheanálaččat ja beroštit borramušráhkadeamis. Ovdamunni jus leat bargan institušuvnnas- dahje restoráŋŋakoahkkan. Koahkkavirgáideapmái gáibiduvvo fágabreava. Fállat bargooahpahusa. 

2014 geasi luopmosadjásaččat: Buohccedivššárat, veahkkedivššárat/dearvvašvuođafágabargit, dikšonveahkit, bassit ja kievkkanbargit.  

Luopmosadjásaččat ožžot unnimusat njeallje vahku  bargošiehtadusa, geassemánus –čakčamánu rádjái. Vejolaš lea ahte mii  dárbbašat čakčamánus maid 1-2 sadjásaš buohccedivššára ja dearvvašvuođafágabargi. Luopmosadjásaččat ožžot 3-5 beaivve bargooahpu dan ossodagas gos galget bargat.

Bassi ja ruoktoveahki bargoáigi lea beaivet.  (37,5 tii/ vahkkui 100 % virggi ektui).

Eará bargiid bargoáigi lea rehkenastojuvvon gaskamearálaččat (35,5tii/vahkku 100 % virggi ektui) ja 3- dahje  2-oasat turnus.

Máhtolašvuođat:

Autorisašuvdna / buohccedivššár/dearvvašvuođafágabargi fágabreava  

Buohccedivššárstudeanttat čađahan ja ceavzán jagi teoriija ja bargohárjáneami.

Dikšunveahkit fertejit deavdán 18 jagi.

Ferte máhttit dárogiela sihke čálalaččat ja njálmmálaččat.

Ruoktobuohccedivššu bargiin galgá leat vuodjinkoarta .

Virggiide gáibidat:

Persovnnalaš dohkálašvuođa.
Ovdamunni jus ohcci hállá sámegiela ja lea máhttu sámi kultuvrra birra

Virgáinammadeapmi ja bálká  lea gustojeaddji lágaid ja šiehtadusaid vuođul.
Ohcamušas dáhttut guokte referánssa

Eanet dieđut dahje gažaldagat virggiid birra diehtá dikšun ja fuolahusa doaibmajođiheaddji Torill Vara fástidit tlf: 40440662 dahje e-post: toril.vara@nesseby.kommune.no. Ohcamuša sáddet čujuhussii: Nesseby kommune, postmottak rådhuset, 9840 Vuonnabahta, dahje e-poasta čujuhussii: postmottak@nesseby.kommune.no

 

Tips en venn  Skriv ut
Web levert av CustomPublish AS