• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2

8.-12. april

Searvva kitedoaluide Várjjagis

Cuoŋománu 8.beaivvi lea vuolgga Bearralvágis – máilmmu garraseamos kitengilvvut – Varanger Arctic Kite Enduro – lágiduvvo guđát geardde. 40 joavkku 11 našuvnnas áigut kitet Várnjárgga, dušše biekka vehkiin. Dat šaddá hui erenoamáš dáhpáhus. Ja Unjárggas lea mis dehálaš bisánansatji!

Suovvejávri Unjárggas lea guovddáš dárkkistanbáiki. 30 vuosttaš joavkku mat jovdet dasa besset joatkit viidásat Várnjárgga našunálapárka čađa ja sis lea dalle vejolaš boahtit vuosttažiin Várggáide

Dárkkistanbáikái Suovvejávrái lea maid vejolaš vuodjit skohteriin. Doppe leat olbmot vuordimin ovdagaskkabeaivvi maŋŋebárgga, cuoŋománu 8.beaivvi rájes gitta cuoŋománu 11. beaivvi iđida rádjai.

Dán jagi leat mis mielde máŋga hárjánan joavkku, máŋga ođđa ja máŋga nisson joavkku. Dán jagi go diibmá vuordit mii johtilis gilvvu ( biegga mearrida dieđusge man johtilat sáhttet kitet). Vuosttaš joavku lea vuordimis Suovvejávrái maŋŋebárgga maŋŋágaskabeaivvi. Muhto dasa galgá leat oalle sávri. VAKE- gilvvut leat badjel 200 kilomehtera guhkku, mihtiduvvon áimmus ja dat šaddá eambbo go 300 kilomehtera kitenláhttu.

Čuovu joavkkuid  GPS-trackingas  www.vake.no bokte, de dieđát goas galggat fitnat Suovvejávrris. Buot joavkkut leat geatnegáhttun bisánit ovtta tiimmu, nu ahte lea buorre vejolašvuohta deaivat kitejeaddjiid.

Don sáhttát maid finadit Kooperativet Kulturscene Čáhcesullos. Doppe lea VAKE- kafea, preassaguovddáš ja čállingoddi gos fitnet maŋimuš ođđasiid Várnjárggas.

Čuovu mielde www.facebook.com/vakefinnmark ja Twitter @vakefinnmark.

Start-VAKE-2013-Berlev+Ñg---photo-Ingerid-Jordal.jpg

Foto: Ingerid Jordal

Tips en venn  Skriv ut
Web levert av CustomPublish AS