• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling_100x100

ID 476 – Rabas bistevaš virgi gielddadoaktárin Deanu ja Unjárgga doaktárguovddážis, kontorbáiki Unjárga

Virgái álgin lea 01.09.14, álgima sáhttá šiehtadit gieldda váldodoaktáriin.

Unjárgga gielda lea uhca sámegielddaš gos ásset sullii 900 olbmo. Gielda birastahttá siskkit Várjavuona  ja Vuonnabahta lea gieldda guovddáš. Lagamus gávpogii, Čáhcesullui lea 50 km. Vuonnabađas ádjána 1 ½ tiimmu vuodjit Girkonjárgga girdinšilljui gos mannet beaivválaččat njuoggogirdit Osloi. Unjárgga gielda fállá nuvttá mánáidgárddi.

Deanu gielddas ásset sullii 3000 olbmo. Gielda lea Nuorta –Finnmárkkus ja lea rádjagielda Supmii. Deatnu, vuotna ja duottar lea váikkuhan ja ain váikkuha ássamii, kultuvrii ja ealáhusaide. Gielddaguovddáš Deanušaldi lea Nuorta-Finnmárkku johtolatdeaivvadanbáiki ja maid iešguhtege olbmuid, gielaid ja kultuvrraid deaivvadanbáiki.

Mis leat hui buorit kultuvra-,valáštallan- ja astoáigedoaibmafálaldagat.

Deanu- ja Unjárgga  gielddas leat oktasaš doavtterbálvalusat.

Dát guokte gieldda gullaba sámi hálddašanguvlui ja sámegiella ja dárogiella leaba dásseárvosaččat.

Dán guovtti gielddas leat oktiibuot 5 bistevaš doavttervirggi ja guokte turnus doavttervirggi. Dál lea okta bistevaš doavttervirgi guovddážis rabas. Váldobargu lea kuratiiva  doavtter- bálvalus.  Virgái gullá maid almmolaš dearvvašvuođabargu ja gozihanbarggut.  Virggi bargosadji gártá leat Unjárgga gielda. 

Sáhttit fállat:

- Movttiidahtti fágabirrasa

- Finnmárkku doaibmaguovllu vearro- ja divaortnegiid ovdamunit

- Dábálaš medisiinnalaš spesialistaoahpu bagadus

 

Deattuhit persovnnalaš heivvolaš- ja gullevašvuođa guvlui.

Unjárgga –ja Deanu gielda gullaba Davvi-Tromssa ja Finnmárkku doaibmaguvlui ja nu leat dáppe ekonomalaš ovdamunit nu go; uhcit vearru, lohkanloana vuolideapmi jna. Virgáinammadeapmi dahkko gustojeaddji lágaid ja šiehtadusaid vuođul. Miellahttuvuohta  penšuvdnakássas. Gielda veahkeha gávdnat ássandálu

Eanet dieđuid virggi birra diehtá muitalit gieldda váldodoavttir Anders Hoel Gabrielsen, e-poasta: legestasjonen@tana.kommune.no dahje tlf. 455 17 700.

 

Ohcamis galgá leat ID-nr. CV, ja duođaštuvvon skuvla- ja bargoduođaštusa kopiijaid sádde čujuhussii: Tana kommune, Rådhusveien 24, 9845 TANA  dahje  

e-poasttas:postmottak@tana.kommune.no.

 

Ohcanáigemearri: 20.6.14

Tips en venn  Skriv ut
Web levert av CustomPublish AS