50 % jođiheaddji virgi 11/8-14 rájes.
Unjárgga Oahppogáldu / Nesseby Oppvekstsenter - 50 % jođiheaddji virgi 11/8-14 rájes.
Ođđajagemánus 2012 fárriimet ođđa bajásšaddanguovddážii, Unjárgga oahppogáldui, ja nu leage mánáidgárdi, skuvla, SAO ja rávisolbmuidoahpahus čoahkkanan seammá táhka vuollái. Dat mielddisbuktá viiddiduvvon oktasašbarggu main lea oktasaš pedagogalaš vuođđu . Oahppogáldu bargá PALS – modella vuođul ” Positiv Atferd, støttende Læringsmiljø og Samhandling”.
Oahppogáldus leat oktiibuot 125 máná, 50 máná mánáidgárddis ja skuvllas fas 75 máná, 1-10 luohkái.
Skuvllas lea fásta ovttasbargu Davvioarje-Ruoššain.
Mánáidgárdi lea sámi mánáidgárdi mii erenoamážit deattuha nannet ja ovdánahttit samegiela ja –kultuvra. Gieldda bajimuš mihttomearri lea ahte nu olusat go vejolaš hálddašit sámegiela.
Oahppama oktavuođas geavahit Oappogáldu bargit lagašbirrasa áŋgirit tuvrraide ja eará gelddolaš doaimmaide.
50 % jođiheaddji virgi 11/8-14 rájes.
Jođiheaddji galgá leat mielde bajásšaddanguovddáža jođihanjoavkkus.
Jođiheaddji bargodoaimmat leat čuovvovaččat:
- Jođiheaddji sadjásažžan jođihit bargočoahkkimiid
- Ohcat sadjásaččaid.
- Tiibmolisttut
- Bargiid organiseret ovttas jođiheddjiin
- Ráhkadit jahkeplánaid
- PALS – bargu
- Prošeaktaovddasvástideaddji (čađahit, rapporteret)
- Oasálastit pedagogalaš jođiheaddji čoahkkimiin
- Oasálastit iđitčoahkkimiin
- Oasálastit bajásšaddanguovddáža njunušjoavkkus
- Bagadit bargiid
Bargodoaimmat sáhttet rievdat jagi mielde
Mii ohcat olbmo geas leat dákkár attáldagat:
- Dovdá – ja dovddaha positiivalaš guottuid báikkálaš kultuvrii
- Čuovvut mearrádusaid ja oktasaš mearrádusaid ja galgá ieš maid sáhttit mearridit
- Gárvvista bargguid, plánaid, raporttaid jna. áigemeriid siskkobealde
- Buorit gulahallan- ja ovttasbargannávccat mat leat mielde buorideamen ja ovdánahttimin bargobirrasa
- Ovddida organisašuvdna proseassaid nugo oktasaš pedagogalaš vuođu
- Joatkit PALS ovdánahttinbarggu
- Nákce ásahit ja doalahit buriid oktavuođaid váhnemiidda ja bargat formálalaččat ja eahpeformálalaččat váhnemiiguin ovttas
Virgái:
- Virgáinammadeapmi dahkko gustojeaddji lágaid ja šiehtadusaid vuođul
- Ohccis ferte leat allaskuvlla/universitehta oahppu mas pedagogihkka lea okta fágasurggiin
- Ohcci berre leat bargan mánáidgárdde hoavdan
- Ferte dovdat mánáidgárddi organiserema
- Ohccit geat orrot heivemin virgái bovdejuvvojit jearahallamii
Ohcanáigemearri: 14.06.2014
Ohcama sádde čujuhussii: Berit Ranveig Nilsen, Unjárgga Oahppogáldu tlf. 40440509