• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
noter

Sálbmalávluneahkedat

Unjárgga searvegotteráđđi diakonalávdegotti bokte álggaha sámegielsálbmalávlun eahkediid, vuossárgga čakčamánu 29. b. tii. 18.00 searvegotteviesus Vuonnabađas.

Sálbmalávluma ulbmil lea nannet sámegielsálbmalávluma ja maiddá lávlut eanet sálmmaid girkolaš oktavuođain. Sámi girkoeallima strategiijaplánas čuožžu čállon: ”Áimmahuššat sámegiela lea vuođđun sámi girkoeallimis ja norgga girku vuoruha barggu hui duođalaččat ”. Unjárgga searvegotteráđđi lea ožžon kr. 25.000,- Davvi -Hålogaland Bismagodderáđis dán prošektii.

Sálbmalávluneahkedat loahpa 2014 jagi gártet leat dáin báikkiin:

Vuonnabađa searvegottevisttis: Vuossárgga čakčamánu 29.b. tii.18.00

Stuorravuona girkus: Vuossárgga golggotmánu 27.b.tii.18.00

Nyborgga boarrásiidsiiddas: Vuossárgga skábmamánu 24.b tii. 17.00

Vuonnabađa searvegottevisttis: Vuossárgga juovlamánu 15.b. tii.18.00. Lávlut juovlasálmmaid.

Lávlut sihke boares ja ođđa sálmmaid, ja sálmmaid maid olbmot sávvet lávlut.

Organista Katharina Bartsch, ovddasfástida musihkalaš oasis.

Sávvat buohkaide bures boahtima.

Tips en venn  Skriv ut
Web levert av CustomPublish AS