• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Logo FeFo

Ođđa njuolggadusat luossasajiid juolludeapmái Finnmárkkuopmodagas

Eanet guolásteaddjit galget dál beassat bivdit luosaid mearas Finnmárkkuopmodagas. Nuoraide galgá šaddat álkit bivdigoahtit luosaid mearas ja oahppan vehkiide sáhttá juolludit luossasaji merrii.

Šaddá vejolaš oažžut oahpu luossabivdimis mearas dainna lágiin ahte oahpahusásahusaide sáhttá juolludit guokte oahpposaji oahppama várás. – Ođđa njuolggadusat galget sihkkarastit buoret rekruterema luossabivdui mearas, ja sihkkarastit riddokultuvrra ja árbevieru joatkkašuvvama maid luossabivdu mearas ovddasta, dadjá Marit Kirsten Anti Gaup, FeFo stivrajođiheaddji.

Váldoeaktu (gč, Finnmárkkulága) oažžut luossasaji lea ahte ohcci ássá bissovaččat gielddas ja dasa lassin ferte ohcci deavdit juolludaneavttuid maid stivra lea mearridan. Leat ain vuosttažettiin sii geat doaimmahit vuođđoealáhusa geat ožžot luossasaji. Dasto sáhttá juolludit luossasajiid spiehkastatnjuolggadusaid ja ođđa
eavttuid vuođul maid stivra lea mearridan:
1. Sáhttá juolludit rekruterensajiid ássi nuoraide vuollel 25 jagi.
2. Sáhttá juolludit luossasaji ássiide geat sáhttet duođaštit gullevašvuođa luossabivdui mearas (maiddái veahkkin) ja geat háliidit seailluhit kultuvrra ja árbevieru. FeFo sáhttá vuoruhit vehkiid geat sáhttet duođaštit ahte leat bivdán ovttas luossabivdiiguin mearas guhkit go logi jagi.
3. Sáhttá juolludit luossasajiid ássi penšunisttaide geat sáhttet duođaštit ahte sii leat doaimmahan luossabivddu mearas ja vuođđoealáhusa ovdal.
4. Sáhttá juolludit oahppoásahusaide guokte luossasaji oahppama várás.

Dan geažil go stivra háliidii ložžet juolludannjuolggadusaid spiehkastatmearrádusa sáddejuvvui evttohus viidát gulaskuddamii. Evttohusaid mat bohte gulaskuddamis sáhttá roavvát juohkit buorrin golbma iešguđetlágan beroštumiide/oainnuide:

1. Luossabivdu mearas oassin mearrasámi kultuvrras.
2. Luossabivdu oassin vuođđoealáhusdoaimmaheddjiid sisaboahtovuođus.
3. Luossabivdu mearas gilvaleaddji doaibman luossabivdui jogain.
Bohte 14 evttohusa ja lea mearkkašan veara ahte ollugat eai vástidan gulaskuddama. Gulaskuddanevttohusas lei stivra maiddái evttohan juolludit luossasaji dan vuođul ahte ohccis lea barta/opmodat lahka luossasaji. Evttohusain mat bohte eai lean sávvan dan ja stivra ii leat danin mearridan dan. FeFo lea maiddái dahkan smávva rievdadusaid maŋŋil gulaskuddanbealalaččaid konstruktiiva árvalusaid.


Luossabivddus mearas lea leamaš mávssolaš ekonomalaččat ovdal ja lea leamaš deaŧalaš oassi riddokultuvrras ja mearrasámi kultuvrras Finnmárkkus. Maŋemus guoktelogi jagi lea bivdiid lohku geat bivdet mearas ja rekruteren guollebivdui unnon. Juoga mii lea dáhpáhuvvan sihke FeFo-eatnamiin ja priváhta eatnamiin Finnmárkkus. Vuollegis luossahaddi ja ain garraset almmolaš muddemat sáhttet muhtun muddui čilget maŋosmannama. Beroškeahttá das mearkkaša luossabivdu mearas hui olu ollugiidda riddo- ja
vuotnaguovlluin, ja lea deaŧalaš sihke mearrasámi kultuvrii ja riddokultuvrii obbalaččat.


Gieldda luossasajit ođasmahttojuvvojit/ almmuhuvvojit rabasin juohke goalmmát jagi. Ovdal jagi 2015 áigodaga galget gielddat Áltá, Unjárga, Davvinjárga ja čáhcesuolu ođasmahttojuvvot.


Dieđut luossabivddu birra mearas Finnmárkkus, ovddasvástádussurggiiguin

Leat 1.600 registrerejuvvon luossasaji Finnmárkkuopmodagas.
Addojuvvo 397 luossasaji Finnmárkkuopmodagas 2014:s
Ledje 253 registrerejuvvon luossabivdi mearas Finnmárkkuopmodagas 2014:s
Goddojuvvui 98 tonna luossa ja guvžá Finnmárkkus 2013:s
Ovddasvástádussuorggit
FeFo juolluda luossasajiid Finnmárkkuopmodagas
Fylkkamánni registrere luossasajiid, organisere mearrasálašregistara ja sádde sálašbeaivegirjji
Birasdirektoráhtta mearrida njuolggadusaid ja bivdináiggiid
Statistihkalaš guovddašdoaimmahat (statistisk Sentralbyrå) ráhkada bivdostatistihkaid
Áššeelemeanta ja goallostatčujuhus
Eanet dieđut earret eará luossabivddu birra mearas Finnmárkkus:
 Luossabivddu birra mearas
 Stivraášši 55/ 2014 skábmamánu 6. Beaivvi 2014
 FeFo birra: http://www.fefo.no/sa/fefo/Sider/Default.aspx
 Čuovo FeFo på :as: Oza FeFo Finnmarkseiendommen
 Preassalatnja

Tips en venn  Skriv ut
Web levert av CustomPublish AS