• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling_100x100

BUOLBMÁT, DEANU JA UNJÁRGGA SUOHKANIS LEA DIAKONA-VIRGI RABAS

Fásta 100 % virgi suohkandiakonan Buolbmát, Deanu ja Unjárgga suohkanii.

Unjárgga ja Deanu gielddain leat sullii 3800 ássi. Dáppe lea máŋgakultuvrralaš servodat ja deike leat easkabáliid fárren báhtareaddjit. Unjárgga, Buolbmát ja Deanu  suohkanat gullet Sis Finnmárkku proavásgoddái ja leat sámegielat guovllus. Guokte suohkanbáhpa, katekehta, dulka/searvegoddečálli, orgel čuojaheaddjit, luhkkár, girkobálvát, hávdegoaivojeaddjit ja girkoverddet hálddašit suohkana. 

Bargu:

  • Ovddasvástidit diakonálalaš bálvalusa ovttas diakonalávdegottiiguin.
  • Plánet ja čuovvulit báikkálaš plánaid diakoniija doaimmas.
  • Háhkat eaktodáhtolaš olbmuid diakonála bálvalusaide.
  • Ohcandoaibma.
  • Fuolahit buhcciid ja vuoras olbmuid.
  • Morašbargu.
  • Mánái- ja nuoraiguin bargat.
  • Easttadeaddji gárrendiliid bargu.
  • Oassálastit girkolaš doaimmain ja ipmilbálvalusain.
  • Ovttasbargu suohkanbáhpaiguin, searvegodderáđiin ja bálvágottiin.

Máhtolašvuođagáibádus:

Ovttavásttolaš oahppu mii lea diakonaid Bálvalusortnet ja máhtolašvuođagáibádusas Norgga girkus. Ohccit eará fágalaš- ja dábálaš oahpuin/bargoduogážiin sáhttet maid ohcat.

Mii ohcat olbmo gii/geas:

  • Bargá iešheanalaččat ja lea sealgil.
  • Leat návccat movttidahttit ja oažžut olbmuid mielde doaimmaide.
  • Leat gulahallan- ja ovttasbargannávccat.
  • Lea smáđáhkes olmmoš gii gulahallá ja buorida gaskavuođaid olbmuid gaskkas.

Mii deattuhit persovnnalaš heivvolašvuođa. Muđui seammá eavttuid mielde biddjo son virgái guhte maid hálddaša sámegiela čálalaččat ja njálmmálaččat. Ohccit galget leat miellahttun Norgga girkus (Den norske kirke). Dáhttut politiija duođaštusa.

Virgi juohkášuvvo 50 % goabbát suohkanii. Unjárgga Girkolaš oktasašráđđi lea suohkandiakona bargoaddi ja hálddaša virggi lágaid, njuolggadusaid ja šiehtadusaid vuođul.  Go suohkandiakona bálvala Buolbmágis ja Deanus, de lea Buolbmát ja Deanu girkoverddes geas lea virgái bargoaddiovddasvástádus ja son hálddaša dan lágaid, njuolggadusaid ja šiehtadusaid vuođul. Suohkandiakonas lea kontor guktui suohkaniin. Muhtun oassi eahket- ja vahkkoloahpaid bargu gullá borgoáigái.

Virgi bálkáduvvo Váldotariffašiehtadusa virgekoda Diakona mielde. Penšuvdnasisabidju KLP:ii. Eaktudit geavahit iežas biilla bargodilis. Mátke- ja telefonbuhtadas. 6 mánnosaš geahččalanáigi.Finnmárkkus gustojit árvonjeaidin njuolggadusat Statens lånekasse oahppoloanain gitta kr. 25.000 jahkái, erenoamáš vearrogeassin. Virggi eavttut čuvvot lágáid ja šiehtadusaid mat gustojit olles áiggi. Unjárgga girkolaš oktasašráđđi lea bargoaddi. Oktasašráđit sáhttet veahkehit gávdnat ássanásodaga.

Eanet dieđuid virggi birra oaččut go válddát oktavuođa searvegoddekantuvrraiguin; Girkoverdde Bernhard Iversen, Unjárgga girkolaš oktasašráđđi, tlf 789 58117, mobil tlf. 97970619, e-poasta; kirkeverge@nesseby.kommune.no

Girkoverdde Kirstin Biti Johansen, Buolbmát ja Deanu girkolaš oktasašráđđi, tlf 78929910, mobil tlf. 46623601, e-poasta: kirkeverge@tana.kommune.no.

Ohcan oktan cv:in duođaštuvvon skuvla- ja bargoduođaštusaiguin sáddet čujuhussii:

Nesseby kirkelig fellesråd, Postboks 24, 9840 Varangerbotn   Ohcanáigemearri: njukčamánu 20. b. 2015

 

 

Tips en venn  Skriv ut
Web levert av CustomPublish AS