Vuokkobálkkašumi vuoiti 2015
Dán jagáš Vuokkobálkkašumi vuoiti lea ealljáris nisu Liv Nilsen. Su doaimmaid geažil leat earet eará vurken olu dieđuid Unjárgga kulturhistorjjás. Várjjat Sámi museas ja “Unjárgga gákti” girjjis oaidnit su bargguid bohtosiid, mat leat ávkin olles Unjárgga servodahkii.
Govva: Sini Rasmus
Liv Nilsen lea nisu, gii berošta eará olbmuin, erenomážit boares olbmuin ja galleda sin dávjá. Várra daninge sus leat ollu dieđut Unjárgga kulturárbbis.
Dán jagáš vuoitun ledje rásit ja sistegáffeseahkka.