• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2

Unjárgga gielda ohcá doarjaga govdábáddehuksemii

Stáhtabušeahttas lea jagi 2015 govdabáddehuksemii várrejuvvon 110 miljon kr. Doarjjaortnet hálddáša Nasjonal kommunikasjonsmyndighet (Nkom), ovddeš Post- og teletilsynet.

Unjárgga gielda lea dás muhtun jagi ovdal ohcan doarjaga Høykom prográmmas maid dalá Post og teletilsynet doaimmahii. Doarjja lea geavahuvvon huksehit radiobaserejuvvon govdafierpmádaga čovdosiid.  Radiobaserejuvvon govdafierpmádat lea fállamis eanáš buot gieldda olbmuide. Ruhta mii lea geavahuvvon radiočovdosiidda, doibmet odne gaskaboddosaš čoavddusiin dassážii go eará vejolašvuođat leat gárvásat.

Dán vuoru háliidat oažžut bistevaš ja skalerbar (maid lea álki stuorádit) govdafierpmádaga čatnosa ođđa báikkiide gielddas («allaleaktogovdafierpmádat»).

Báikkit leat:

  • Ceavccageađge
  • Viešnjárga
  • Buorresárku
  • Vuolle-Njiđgu

Sivva dasa ahte gieldda Rávttebealli (Badje-Njiđgu, Sirddagoppe, Reahpen, Báršnjárga, Rissebávte, Ođđajohka ja Builuovta) eai leat mielde, lea ahte govdafierpmádaga gálvolágideaddjit vurdet dassážii go neahta fievrredanoassi gárvvistuvvo muhtun eará prošeavttain áigodagas 2016/2017.

Otne lea «allaleaktogovdafierpmádat» olámuttos ja leamašan fállamis Unjárgga girkobáikkis Njiđggunjálmmis ja Stuorravuonas.

Ohcamuša báikkiin leat smávva fitnodagat ja iehčanas ealáhusdoallit geain leat stuorra dárbu oažžut govdafierpmádaga dasa ahte besset doaimmahit bargguideaset buoremus lági mielde.

Kárttas vuolábealde oainnát báikkiid gos ohcet govdafierpmádaga.

 

Bredband2015.jpg

Tips en venn  Skriv ut
Web levert av CustomPublish AS