• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
kongebesøk

Preassadieđáhus Gonagaspára galledeami birra Unjárggas geassemánu 18.b.

Prográmma Gonagasa ja Dronnega Unjárgga galledeapmái geassemánu 18.b. lea dal gárvvis. Gonagaspárra galledeaba gieldda tii. 11.00 rájes tii. 12.30 rádjái. Mii ávžžuhit buot gieldda ássiid oassálastit dasa.

Lágideapmi dán beaivvi lea Várjjat Sámi Museas, Vuonnabađas. Prográmma sisttisdoallá ea.ea. Unjárgga Oahppogálddu skuvla- ja mánaidgárdemánát ja koarra Untak geat áigut lávlut ja Johan A. Andersen juoigat. Gonagas ja Dronnet beassaba maid vásihit “uhca-Vuonnamarkanažža”, gos beassaba oaidnit báikkálaš dujiid ja maiddái smáhket báikkálaš borramušaid. Márkan lea maid rabas álbmogii.

Unjárgga gielda illuda hirbmosit dán galledeapmái ja ávžžuha buot gieldda ássiid geain lea vejolašvuohta coggat badjelii fiidnásamos biktasiid ja boahtit doaluide.  

Gonagaspára galledeapmi Unjárggas lea oassin Finnmárkku fylkkatuvrras. Sii galledit maiddái čuovvovaš gielddaid; Fálesnuori, Muosát, Davvisiida ja Gáŋgaviika. 

 

Tips en venn  Skriv ut
Web levert av CustomPublish AS