• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling_100x100

Rabas virggit mánáidgárddis borgemánu 17.bv 2015 rájes

Mánáidgárddi jođiheaddji - bistevaš virgi, ovdaskuvlaoahpaheaddji, fágabargit/assisteanttat - prošeaktavirggit ja sadjásašvirggit.

Mánáidgárdde jođiheaddji – 100 % bistevašvirgi.

Ovdaskuvlaoahpaheaddji – 100 % 2 jagi prošeaktavirgi. Bargosadji skuvllas/astoáiggeortnegis.

Fágabargi/Assisteanta – 50 % 1 jagi prošeaktavirgi. Bargosadji dárogielat ossodagas mánáidgárddis ja skuvlaastoáiggeortnegis.

Fágabargi/Assisteanta – 40 % 1 jagi prošeaktavirgi. Bargosadji skuvllas/astoáiggeortnegis. Sáhttá ovttastit 50% 1 jagi prošeaktavirggiin.

Fágabargi/Assisteanta – 40 % 1 jagi prošeaktavirgi. Bargosadji skuvllas/astoáiggeortnegis .

Fágabargi/Assisteanta - 50 % sadjásašvirgi 17.08.15-31.01.16.  Bargosadji dárogielat ossodagas mánáidgárddis. Sáhttá vejolaččat guhkiduvvot.

 

Mii ohcat:

Jođiheaddji/ovdaskuvlaoahpaheaddji

  • Dus lea dohkkehuvvon mánáidgárdeoahpaheaddjeoahppu
  • Sávvat dus lea sámegiel- ja kulturdiehtu

 

 

 

Buot ohccit:

  • Don dovddat ja dus leat positiivvalaš guottut báikkálaš sámi kultuvrii.
  • Leat mielde ráhkadeamen buori ovdánanbirrasa mánáide ja dus lea attáldagat bargat máná dárbbuid mielde.
  • Dus lea fágalaš beroštupmi oaidnit máná ovdáneami ja hállu ovdánit fágalaččat ieš.
  • Don leat čeahppi gulahallat, ovttasbargat ja doalahit buori bargobirrasa.
  • Háliidat čoavdit beaivválaš hástalusaid.
  • Veahkehat organisašuvnna ovdánahttimis nu go proseassain oktasaš pedagogalaš vuođuin.
  • Lea máhttu vuođđudit ja doalahit buriid oktavuođaid vánhemiiguin.
  • Leat positiivvalaš, luohtehahtti, iešheanalaš ja barggán beaivválaš bargguin.
  • Dus lea bargovásáhus mánáidgárddis.

Deattuhat relevánta oahpu, bargoduogáža ja persovnnalaš dohkálašvuođa.

Virgái gullá:

  • Virgáinammadeamit dahkkojit gustojeaddji lágaid ja šiehtadusaid vuođul.
  • Mánáidgárde- ja vuođđoskuvllavirggiide gáibiduvvo dohkkehuvvon politiijaduođaštus, ii boarráset go 3 mánu.
  • Heivvolaš kandidáhtat bovdehallet jearahallamii.
  • Vearroovdamunit / lohkanloatna vuoliduvvo Stuorradikki mearrádusaid vuođul, gč.  http://www.tiltakssonen.no/

Ohcanáigi: 23.06.15

Eanet dieđut virggiid birra tlf. 40 44 05 09 / 40440576 dahje geahča ollislaš almmuhanteavstta gieldda ruovttusiiddus http://www.nesseby.kommune.no/.

 

Ohcan oktan CV:in sáddejuvvo:

postmottak@nesseby.kommune.no

 

Duođaštusaid váldojuvvo fárrui jearahallamii.

 

Unjárgga gielda lea s. 914 ássi sámi gielddaš Nuorta Finnmárkkus. Gielda birastahttá siskkit Várjavuona ja Vuonnabahta lea gielddaguovddáš. Gielddas lea fiinna ja máŋggabealát luondu ja lea guovdu Nuorta-Finnmárkku. Vuonnabađas lagamuš gávpogii, Čáhcesullui, lea s. 5 miilla.

Ođđajagmánus jagis 2012 fárriimet ođđa bajásšaddanguovddážii, Unjárgga Oahppogádui, gosa lea čohkkejuvvon mánáidgárdi, skuvla, skuvlaastoáiggeortnet ja rávisolbmuid oahpahus. Dát sisttisdoallá viiddiduvvon ovttasbarggu, oktasaš pedagogalaš vuođu. Oahppogáldu bargá PALS - modealla mielde ” Positiv Atferd, støttende Læringsmiljø og Samhandling”.

Unjárgga oahppogálddus leat 150 máná, 50 mánáidgárddis ja 100 oahppi skuvllas 1.-10. luohkáin.

Skuvla ovttásbargá Davvioarje-Ruoššain.

Mánáidgárdi lea sámi mánáidgárdi mii erenomážit deattuha nannet ja ovdánahttit sámegiela ja -kultuvrra.

Oahppogálddu bargit oahpahusa oktavuođas geavahit aktiivvalaččat lagasbirrasa, vulget tuvrraide ja eará somáid vásihit.    

Tips en venn  Skriv ut
Web levert av CustomPublish AS