• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
hus under bygging

Ođđa huksennjuolggadusat 01.07.2015 rájes

Sii geat leat huksen ođđa huksennjuolggadusaid mielde 01.07.2015 rájes, galget deavdit dán skovi go addet dieđu gildii go leat omd. huksen smávva visttáža dahje lassihuksehusa:

http://dibk.no/globalassets/blanketter_utfyllbare/5188-melding-om-bygning-eller-tilbygg-som-er-unntatt-soknadsplikt.pdf

Ođđa huksenáššenjuolggadusat váldojuvvojit geavahussii 01.07.2015 rájes.

Dát mielddisbuktá dan ahte don sáhtát bidjat eanet huksendoaimmaid johtui almmá ahte vuos fertet ohcat huksenlobi gielddas.

Ođđa njuolggadusaid mielde sáhtát hukset dáid almmá ohcama, nu guhká go čuovut njuolggadusaid:

  • Gáraša, olgovistti, astoáiggeáitti dahje eará sullasaš mii lea gitta 50m2 sturrosaš sáhttá huksejuvvot 1m geahčai ránnjá rájás.
  • Lassihuksehus mii lea gitta 15m2 sturrosaš, omd. bálkoŋga, rabas uskkádat mas lea rohpi, muorra- ja sihkkeláiti, sáhttá huksejuvvot 4 m geahčai ránnjá rájás.
  • Uhca visttážat nu mo omd. uhca bieggasuodjeseainnit, cagganmuvra, uhcit deavdámušat, eanadaga duobadeapmi, viessosaji siskkáldas saji geaidnu ja párkerensadji sáhttá ráhkaduvvot lagamusat 1m geahčai ránnjá rájás.

Vai dákkár huksendoaibma sáhttá leat olggobealde ohcangeatnegasvuođa de ferte doaibma čuovvut buot njuolggadusaid ja plánanjuolggadusaid. Dat oaivvilda dan ahte doaibma ferte čuovvut buot njuolggadusaid mat leat huksennjuolggadusain, ja maiddái vel:

  • Gieldda plánaid (gielddaplána, gielddaoasseplána, regulerenplána ja viessohuksenplána)
  • Gieldda čáhce- ja duolvačáhcejohtolagaid lusa ii leat lohppi hukset lagabui go 4m johtolagaid luhtte.
  • Geaidnoláhka (Ii leat lohpi hukset lagabui 15 m gieldda guovddáš geainnuid ja iige lagabui go 30m guovddáš fylkkageainnu)

Váldde oktavuođa teknihkkálaš ossodagain jus háliidat oažžut eanet dieđuid gieldda čáhce- ja duolvačáhcejohtolagaid birra mat leat du viessosajis.  

Dás gávdnojit rávvagat mo don gávnnat mat plánat gullet du viessosadjái: dás.

 

DEHÁLAŠ!

 

Jus huksendoaibma (visti) ii čuovo plánaid ja njuolggadusaid de dat ii oaivvil dan ahte dan ii sáhte hukset, muhto ahte huksendoibmii galgá ohcat lobi dábálaš vuogi mielde. Huksenjođiheaddji/doaibmaoamasteaddji ovddasvástádussan lea čuovvut ahte buot doaimmat čuvvot buot dálá njuolggadusaid ja plánaid. Dáid njuolggadusaid rihkkun sáhttá leat lobihuššan plána- ja huksenlága § 32-1 mielde maid gielda lága mielde ferte čuovvut.

 

Tips en venn  Skriv ut
Web levert av CustomPublish AS