• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Flyktning, Asylsøker

Unjárgga gieldda preassadieđáhus transitta-vuostáváldin áššis.

Preassadieđáhus:

UDI ja Nord-Norsk Mottakssenter AS leaba 08.10.15 váldán oktavuođa Unjárgga gielddain ja jearran ásahit transitta-vuostáváldinbáikki 150 dorvoohcciide ovddeš Unjárgga skuvlii. Duogážin dasa lea ahte dorvoohccit geat bohtet riikkarájá rastá leat lassánan. Dábálaš dorvoohcciid- ja transitta-vuostáváldinbáikkiin ii leat šat eambbosiidda sadji, ja UDI lea bargamin ásahit ođđa transitta-vuostáváldinbáikkiid.  

Unjárgga gielda ádde ahte guovllus lea stuorra hástalus go nu olusat bohtet, ja erenoamážit daid garra olmmošlaš gáibádusat maid dát mielddisbuktá.  Mii háliidit čájehit olmmošlašvuođa humaniteara heahtedilis mii dál lea máilmmis. Gielda lea e.e. váldán vuostá 14 báhtareaddji  2015, ja 2013 rájes leat oktiibuot váldán vuostá 41. Boahtte jagi áigut váldit vuostái uhcimusat logi báhtareaddji. Dát lea oalle stuorra lohku min gieldda olmmošlogu ektui. Mii leat uhca gielddaš marginála doaibmanávccaiguin.

Ovdagoddi lea ovttajienalaččat odne mearridan ahte eat sáhte mieđihit Nord-Norsk Mottakssenter AS jearaldahkii ásahit 150 dorvoohcciide transitta-vuostáváldima.  Dás lea stuorra jáhkehahttivuohta ahte  dorvoohccit fertejit ássat váttis dilis guhkit áigge. Unjárgga gielda lea UDI ságastallamiin ádden ahte ii leat dáhkiduvvon sii sirdojuvvojit dábálaš vuostáváldimiidda gustojeaddji áigerámmaid siste.

Unjárgga gielda ohcala bajit plána ja dialoga guovllu ja stáhtalaš dásis gieđahallat dán humaniteara heahtedili.  Mii áinnas dáhttut ja áiggošeimmet veahkehit, muhto gieldda veahki kvalitehta ja dohkálašvuohta galgá sajis.  

 

Knut Store                                Olaf Trosten

Sátnejođiheaddji                      Doaibmi ráđđealmmái

Tips en venn  Skriv ut
Web levert av CustomPublish AS