• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Foto: Ove Hansen

Rabas 100 % virgi - Dikšun- ja fuolahanbálvalusa doaibmajođiheaddji

Doaibmajođiheaddjis lea bajimus fágalaš ovddasvástádus,ja dasa lassin ovddasvástida hálddahuslaččat, bargiid ektui ja ekonomalaččat.

 

Unjárgga gielddas leat s. 900 ássi. Gielda gullá sámi hálddašanguvlui ja lea guovttegielat gielda - sáme- ja dárogielat.  Gielda birastahttá siskkit Várjavuona gos Vuonnabahta lea gieldda guovddáš. Johtin dáfus ii leat guhki lagamus girdišilljuide, Čáhcesullui (50km)  ja / dahje Girkonjárgii (120km) ja dás lea girdináigi Osloi sullii guokte tiimmu. 

Unjárgga gielda gullá Davvi-Tromssa ja Finnmárkku doaibmaguvlui ja nu leat dáppe uhcit vearru ja studieloana vuolideapmi.Mis lea čába luondu, dáppe leat vuotna ja várit, guollejávrrit, savet- ja skohterláhtut ja vejolaš bivdit sihke smávvafuođđuid ja ealggaid. 

Gielda fállá nuvttá huksensajiid. Gielda fállá maid nuvttá mánáidgárddi ja skuvlaastoáiggefálaldaga. 

Dikšun- ja fuolahanbálvalus:

Dikšun- ja fuolahanbálvalusa doaimmaide gullet: institušuvdnafuolahus, ruovttubálvalusat, merkantiila, fysioterapiija, čorgen- ja gievkkanbálvalusat.

Doaibmajođiheaddjis lea bajimus fágalaš ovddasvástádus,ja dasa lassin ovddasvástida hálddahuslaččat, bargiid ektui ja ekonomalaččat. Virggi bajit hoavda lea ráđđealmmái.

Mii deattuhit ovttasbarggu ja koordinerema doaimma siskkobealde ja muđui doaimmaiguin gielddas ja  gieldda olggobealde.

Doaimmas deattuha fágalaš ovdáneami ja positiivvalaš ja fleksiibalaš bargobirrasa.

 

Kvalifihkašuvnnat:

- 3-jagi dearvvašvuođa/sosialfágalaš allaskuvlaoahppu - ovdamunnin buohccidivššároahppu oktan relevánta liigeoahpuin nu go ekonomiija, hálddahus ja jođiheapmi.

- Relevánta bargovásáhus

- Mii sávvat ahte dus leat jođihan bargovásáhusat dán sullasaš doaimmain.

- Deattuhit persovnnalaš heivvolašvuođa

- Gulahalat/ovdanbuvttát bures sihke čálalaččat ja njálmmálaččat

- Dus leat buorit ovttasbargonávccat, máhtát bargat iešheanalaččat, máhtát dahkat mearrádusaid ja movttidahttit bargiid.

- Dus lea dáidu láhčit buori bargobirrasa ja olahit mihttomeriid

- Mii sávvat ahte máhtát/ dovddat sámegiela ja -kultuvrra.

 

Bálká:

Bálká šiehtadeami vuođul

 

Dieđut virggi birra:

Eanet dieđuid virggi birra sáhttá jearrat ráđđealbmás Ann Jorid Henriksen, tlf:  40440550, ja/dahje

bargoveaga doaibmajođiheaddjis Tom Ivar Haukland tlf: 40440503.

 

Eará dieđut:

Gielda veahkeha gávdnat orrunsaji ja mánáidgárddesaji jos lea dárbu.

Fárrengolut máksojuvvo gieldda njuolggadusaid vuođul. 

 

Ohcanáigemearri:

Ohcamuš sáddejuvvo oktan CV:in: Postmottak@nesseby.kommune.no  Merke: «Virksomhetsleder Pleie og omsorg»

Ohcanáigemearri lea: juovlamánu 14.bv 2015

 

Tips en venn  Skriv ut
Web levert av CustomPublish AS