• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling_100x100

Rabas mielbargevirgi girjerádjosis

Oktiibuot 80 % fásta virgi. Vejolaš viiddidit virggi 100% virgin.

Deanu/Unjárga Girjebusses ja Unjárgga girjerádjosis leat rabas 50 % ja 30% fásta virggit  01.02.2016 rájes. Lassin dasa ahte lea vejolaš ohcat guktuide  dahje dušše nubbái, de lea vejolašvuohta lasihit bargoáiggi  20 % sadjásažžan.  Bargoáigi čuovvu girjebusse ruvttoplána ja girjerádjosa rahpanáiggiid. Bargu lea maŋŋágaskabeivviid ja eahkedis. Norgga girjerádjosat leat álo ovdánahttimin ja mii ohcat mielbargiid geat háliidit leat mielde ovdánahttit girjerádjosa ođđa girjerájuslága mielde. Unjárgga gielda ja Deanu/Unjárgga Girjebusse leat sámi hálddašanguovllus, ja  erenoamážit  sámegiella ja –girjjálašvuohta lea sin ovddasvástádus.

Bargu:
•       Beaivválaččat bálvalit min girjerájusgeavaheddjiid.
•       Čohkkehusa ovdánahttit, e.e. tiŋgot, gárvvistit ja registreret iešguđetlágán mediaid.
•       Aktiivvalaččat mielde lágidemiid plánemis ja čađaheamis ja ovdánahttit girjerádjosa girjjálašvuođa-, kultuvrra- ja digaštallama čoahkkananbáikin.

Mii ohcat mielbargi

•       geas lea dábálaš buorre digitálagelbbolašvuohta
•       gii lea viššal ja fleksibel
•       gii lea struktuvrralaš, iešheanalaš, kreatiiva, ja oaidná čovdosiid
•       geas leat buorit gulahallan- ja ovttasbargonávccat.
•       gii berošta ovdánahttinbargguin ja háliida dainna bargat.
Deattuhit persovnnalaš heivvolašvuođa.

Mii fállat buorre bargobirrasa, máŋggabealálaš barggu, gelddolaš girjerádjosa mii lea ovdánahttimin ja liekkus/somás girjeluoikkaheddjiid. Mielbargi oažžu oahpahusa bargui.
Bálká šiehtadusa mielde.
Ohcama oktan bargo-  ja oahppoduođaštusaiguin sáddet e-poastta čujuhussii:  postmottak@nesseby.kommune.no
Ohcanáigemearri: bearjadat juovlamánu 18.b.
Eanet dieđuid oaččut girjerádjosa jođiheaddjis; jorgen.betten@nesseby.kommune.no   Tlf.957 02 849



 

Tips en venn  Skriv ut
Web levert av CustomPublish AS