• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling_100x100

Unjárgga gieldda Veahkkebálvalus dárbbaša čuorvvuhansadjásaččaid.

Mii ohcat olbmuid geain leat mokta ja áŋgirvuohta, ja leat čeahpit čoavdit hástalusaid ja barget bures sihke iešheanálaččat ja ovttas earáiguin.   

Veahkkebálvalus, Unjárgga gielda.

Veahkkebálvalus lea gielddalaš bálvalus Unjárggas. Veahkkebálvalusas leat mánáidsuodjalanbálvalus, gárrebálvalus, psykiatriijabálvalus, duddendállu, báhtareaddjibálvalus, pedagogalaš-psykologalaš bálvalus ja nanosmahttojuvvon gárren- ja psykiatriijadoaibma. 

Mii dárbbašit čuorvvuhansadjásaččaid máŋga dáid bálvalusaide. Du bargobeaivvi sisdoallu šaddá sihke gelddolaš ja hástaleaddji.

Mii ohcat olbmuid geain leat mokta ja áŋgirvuohta, ja leat čeahpit čoavdit hástalusaid ja barget bures sihke iešheanálaččat ja ovttas earáiguin. Gáibidit ahte bargis lea fleksibilitehta, ovttasbargannávccat, beroštupmi ja veadju mielváikkuhit buori bargobirrasa doalahit. Olbmot geat leat álggahan oahpu dahje lea eará relevánta oahppu ávžžuhit váldit oktavuođa minguin. Mii deattuhit relevánta bargoduogáža ja persovnnalaš heivvolašvuođa.  Deattuhit sámegiela- ja kulturmáhtu  gelbbolašvuođa. Don fertet buktit ovdan dohkkehuvvon politiijaattestta mii ii leat boarráset go golbma mánu. Dus ferte leat biilavuodjinkoarta, ja galggat máhttit dárogiela sihke čálalaččat ja njálmmálaččat.

Jus dus leat jearaldagat, váldde oktavuođa Veahkkebálvalusa jođiheddjiin;  Olaf Trosten, tlf.nr. 40 44 05 30 Olaf.Trosten@nesseby.kommune.no

Unjárgga gielda lea mearrasámi gielda Nuorta Finnmárkkus, ja dáppe ásset sullii 900 olbmo. Gielda birastahttá siskkit guovllu Várjavuona bálddas, ja Vuonnabahta lea gieldda guovddáš. Dáppe lea čába ja erenoamáš luohtu, máŋggabealat kultureallin ja buorit vejolašvuođat máŋggalágán olgoáibmodoaimmaide. Lagamus gávpot lea Čáhcesullo ja doppe lea maid lagasmus girdinšilju, ja dohko lea 50 km Vuonnabađas.  

Tips en venn  Skriv ut
Web levert av CustomPublish AS