• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
logo

Gielddareforbma - Mii dáhpáhuvvá?

Unjárgga gielda lea viidáset bargamin gielddareformmain ja gielddastivra galgá geassemánus dahkat loahpalaš mearrádusa háliidatgo ovttastuvvat ránnjágielddaide vai eat. 

Prošeaktajoavkku jođiheaddji lea sátnejođiheaddji Knut Store, eará lahtut leat Jarle Andreassen, opposišuvnna ovddasteaddji Marit Kjærstad, luohttámušolbmuid ovddasteaddji Torill Klogh ja ráđđealmmái Marit Helene Pedersen. Unjárgga gielda lea maiddái mielde ovttas Bearalvági, Báhcavuona, Várggáhiid, Čáhcesullo, Mátta-Várjjaga ja Deanu gielddaiguin čielggadeamen boahtteáiggi Nuorta-Finnmárkku gielddastruktuvrra.

Čoahkkinastináiggit gos digáštallat gieldda boahtteáiggi; nuoraidráđiin njukčamánu 10.bv tii. 18.00, boarrásiidráđiin njukčamánu 17.bv tii. 10.00, valáštallanráđiin seammá beaivvi tii. 13.00. Mii bovdet olbmuid stuorra álbmotčoahkkimii njukčamánu 30.bv tii. 18.00, gos buohkain lea vejolaš dadjat iežas oaivila galgágo Unjárga bissut iehčanas gieldan vai ovttastuvvat ovttain dahje eanet ránnjágielddaiguin, dahje joatkit ovttasbarggu ránnjágielddaiduin nu mo dál. Buot čoahkkimat dollojuvvojit gielddastivrasáles Unjárgga ráđđevisttis.

Ovdagoddi galgá gieđahallat ášši gielddareforpmas njukčamánu 10.bv ja prošeaktajoavku ovdanbuktá dán evttohusa:

  • Unjárgga gielda joatká iehčanas gieldan
  • Jus ferte ovttastuvvat eará gielddain de sávvamuš lea ovttastuvvat Mátta-Várjjat gielddain
  • Jus lea ovttaoaivilvuohta oktasaš Stuorra-Várjjat gielddas, de Unjárga sávvá ovttastuvvat Mátta-Várjjagiin, Várggáin, Čáhcesulluin, Deanuin, Bearalvágiin ja Báhcavuonain. 

Prošeaktajoavku lea geahččan gieldda buriid ja heajos beliid. Dan vuođul jotket digáštallat gielddareformma gieldda siskkobealde ja leat ráhkadan olahusplána viidáset bargui. 

Gielddareforbma-barggut giđđat 2016. Gieldda buorit ja heajos bealit
Olahusplána - 1. jahkebealli 2016 

Geahča áššáigullevaš eará dokumeanttaid min  gielddareforbmasiidduin .

Cuoŋománus doallá Unjárgga gielda ássiidjearahallama, ja das besset ássit ovdanbuktit iežaset oaiviliid áššis. Cuoŋománus mearrida ovdagoddi galgágo Unjárgga gielda lágidit álbmotjienasteami dán dehálaš áššis. 

Tips en venn  Skriv ut
Web levert av CustomPublish AS