• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2

dinutvei.no

Ofelaš dasa jus veahkaváldi ja vearredahku deaividit

Ođđa nationála neahttaportála veahkaválddalašvuođas ja illasteamis lagas birrasis – dinutvei.no- almmuhuvvui guovvamánu 15. bv 2016.

Lagašolbmo dahkkon veahkaválddálašvuohta, vearredahku ja illasteapmi sáhttá fáhtehallat gean beare geahčakeahttá ahkái dahje sohkabeallái. Dán dilis buohkat eai dieđe makkár veahki sii sáhttet oažžut dahje gos veahkki gávdno. Ollusat maiddái háliidit eanet dieđuid veahkaválddálašvuođas ja illasteamis.

Dinutvei.no lea nationála neahttaportála, gos oaččot oppalašgova iešguđetlágan veahkkefálaldagain mat gávdnojit das lahkosis dahje olles Norggas. 

dinutvei.no siidduin gávnnat dieđuid, fágačállosiid ja gažadan- ja vástidanbálvalusa, gos sáhtát jearrat ja oažžut vástádusaid almmutkeahttá namat. 

Neahttaportála addá oppalašgova ja dieđuid sutnje, gii lea illastuvvon dahje lea veahkaválddálašvuođa ja vearredagu oaffarin gártan. Dieđut leat maiddái oapmahaččaide ja olbmuide geat leat fuolastuvvan, sidjiide geat dahket vearredaguid ja fágaolbmuide. 

Dát portála lea okta ráđđehusa doaibmabijuin eastadit lagašolbmuid dahkkon veahkaválddálašvuođa.

dinutvei.no leat Nasjonalt kunnskapssenter om vold og traumatisk stress (NKVTS) ovttasbargguin Regionale ressurssentre om vold og traumatisk stress og selvmordsforebygging (RVTS), Krisesentersekretariatet ja Norske kvinners sanitetsforening (N.K.S) ovdánahttan Justiisa- ja gearggusvuođadepartemeanta bargogohččuma vuođul.

dinutvei-video.jpg

www.dinutvei.no

Tips en venn  Skriv ut
Web levert av CustomPublish AS