Unjárgga gielda áigu ohcat doarjaga govdabáddehuksemii

Vaikko diibmá ohcama vuođul ii šaddan govdabáddi biddjojit, de háliida gielda fas dán jagi ođđasit ohcat doarjaga. Dál sáhttet eanet guovllut gielddas fárus ohcamis. Dán oktavuođas dáhttu gielda ahte olbmot  geat ásset guovlluin gos ii leat biddjojuvvon govdabáddefálaldat sáddejit ohcama. Ohcamat galget leat vuođđun doarjjaohcamii mat sáddejuvvojit Nasjonal Kommunikasjonsmyndihet:ii iešguhtege guovllu ovddas. Sáddes dieđu gildii min e-poastta adressii; postmottak@nesseby.kommune.no  dahje riŋges IT-ráddeaddái  tlf 40440507.  Mearridanáigi sáddet dieđu ahte du báiki/guovlu háliida govdabáddefáláldaga lea cuoŋománu 1. b. 2016.