• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Brann-logo

Rabas oasseáigevirgi buollinkonstabelin

Unjárgga Buollin- ja Gádjun ohcá olbmo rabas buollinkonstabel virgái.  Ávžžuhit nissonolbmuid ohcat virgái. 

Buollinkonstabel oasseáigge virgái gullá geatnegasvuohta guoddit persovdnarádio, buollin- ja heahteveahki dihtii. Buollinkonstabel lea maid geatnegahtton váldit oasi hárjehallamiidda eahketbeaivveáiggiin nu go lea mearriduvvon hárjehállanplánas. Basiid- ja oktasašluopmoáiggiid lea vejolaš biddjo geatnegahtton válmmašvuhtii. 

Son guhte virgáinammaduvvo ferte ovdan buktit duođašteami váldobargoaddis ahte son beassá váldobargguáiggis guođđit barggustis  ja oassálastit buollindoaimmahat doibmii. Ovdamunni jos ohccis lea huksen-/rusttetfága fágabreava, dearvvašvuođafága oahppu dahje eará relevánta oahppu.

Son guhte álgá virgái ferte Unjárgga gielddas ássat. Go alárbma manná de galgá dábálaččat juoksat boahtit buollinstašuvdnii vihtta minuhtas beaivit ja 6 minuhtas jos lea idja, vissis spiehkastemiiguin.  

Viidáset lea son gii nammaduvvo virgái geatnegahttojuvvon čađahit siskkáldas ja olgguldas oahpuid maid buollindoaimmahat gávnnaha leat dárbbašlaččat, ea.ea. oahpu Norges Brannskole:s.

Gáibidit vuodjinkoartta c. B,  ja sávahahtti lea maid c. C ja gelbbolašvuođaduođaštus vuodjit heahteveahkebiilla  ( čáskadanbiilla) koda 160. Buollinlága § 8 mielde galgá son gii virgáinammaduvvo  ovdanbuktit politiijaduođaštusa, ja dearvvašvuođaatteastta mii ii leat boarráset go 12 mánu.

 

Bálká lea mearriduvvon šiehtadusaid mielde, sihke heahteveahketuvrraid, geatnegahtton válmmašvuođaid ja hárjehallamiid oktavuođas. Erenoamáš buhtadas das ahte lea geatnegahtton guoddit persovdnaohcci.  

Bargoohccis galget praktihkalaš návccat ja buorre fysalaš ja psyhkalaš dearvvašvuohta nagodit suovva-  dahje kemikálabuokči gáibádusaid.  Ávžžuhit nissonolbmuid ohcat virgái.

Eanet dieđuid  oaččut buollinhoavddas Lan T. Phan, mob.tlf. 404 40 525/ lan.phan@nesseby.kommune.no  dahje sadjásaš buollinhoavddas Sten G. Olsen, tlf. 404 40 507.

 

Sáddes oanehis ohcamuša oktan CV:ain  ja persovdnálaš referánssaiguin čujuhussii: Unjárgga gielda, buollinhoavda, 9840 Vuonnabahta. Ohcanáigemearri lea: 01.06.2016.

 

 

Tips en venn  Skriv ut
Web levert av CustomPublish AS