• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
logo

Gelddolaš jođiheaddjevirgi Unjárgga gielddas

100 % doaibmajođiheaddji virgi teknalaš doibmii

 

 

 

  Gelddolaš jođiheaddjevirgi Unjárgga gielddas

 

Unjàrgga gielddas lea rabas 100% Teknalaš ossodat doaibmajođiheaddjevirgi

 

Unjárggas leat sullii 950 ássi. Gielda gullá sámi hálddašanguvlui ja lea guovttegielat gielda , sáme- ja dárogielat.   Gielda birastahttá siskkit Várjavuona gos Vuonnabahta lea gieldda guovddáš. Gielddas lea čába luondu, dáppe leat vuotna ja várit, guollejávrrit, savet- ja skohterláhtut ja vejolaš bivdit sihke smávvafuođđuid ja ealggaid. Gielda lea Nuorta Finnmárkku guovddážis. Vuonnabađas lea 5 miilla lagamus gávpogii, Čáhcesullui. Gielda fállá nuvttá visttehuksensajiid. Gielda fállá maid nuvttá mánáidgárdde- ja skuvlaastoáiggefálaldaga.

 

Ovddasvástádusat ja bargu:

Doaibmajođiheaddjin leat dus bajimus ovddasvástádusat teknalaš doaimmaiguin. Dasa gullet e.e. huksenáššit, plánaáššit, opmodathálddašeapmi, infrastruktuvrrat nugo geainnut, čáhci ja duolvačáhci.  Viidáset gullet maid huksenprošeavttat, mihtideamit ja buollima dasa. Doaibmajođiheaddji ovddasvástida doaimma ekonomiija ja bargiidhálddahusa. Virgi gullá ráđđealbmá vuollái.

Mii ohcat du geas leat duođaštuvvon bargoduogáš jođiheaddjin,  ja geas leat jođiheaddjenávccat. Don galggat leat boađusáŋgir ja čeahppi jođihit ja ovdánahttit doaimma bálvalusaid ja mielbargiid. Mii deattuhit ovttasbargannávccaid ja koordinerema sihke doaimma siskkabealde ja muđui doaimmaiguin gielddas ja olggobeale gieldda. Doaimmas guovdilastit fágaovdánahttima ja positiivvalaš ja njuovzilis bargobirrasa.

 

Kvalifikašuvnnat:

Dus leat relevánta siviilainšenevra/inšenevra allaskuvlaoahppu dahje eará oahppu oktan guhkes bargoduogážiin.

Don leat ulbmil- ja boađusáŋgir ja čeahppi movttiidahttit du bargiid.

Don leat ovddemusat ovdal bargan jođiheaddjin almmolaš dahje priváhta surggiin.

Don leat čeahppi čilget áššiid sihke čálalaččat ja njálmmálaččat.

Don barggat bures earáiguin, ja sáhtát maiddái iešheanálaččat bargat ja mearridit.

Don leat áŋgir ovddidit buori bargobirrasa.

Mii háliidit dus lea gelbbolašvuohta/máhttu sámegielas ja –kultuvrras.

Unjárgga gielda deattuha persovnnalaš heivvolašvuođa.

 

Bálká:

Jos dus leat rivttes kvalifikašuvnnat, de fállá gielda gilvovuoimmálaš bálkká.

 

Dieđut virggi birra:

Dieđuid virggi birra oaččut ráđđealbmá Marit Helene Pedersenis,  tlf: 91310232 ja/dahje bargoveaga  doaibmajođiheaddjis; Tom Ivar Haukland tlf: 40440503.

 

Eará dieđut:

Gielda veahkeha háhkat ásodaga/dálu ja mánáidgárdesaji.

Fárrengoluid gokčat gieldda njuolggadusaid vuođul.

 

Jearadeapmi:

Ohcci galgá leat gárvvis boahtit jearadeapmái. Váldde fárrui duođaštusaidat/ atteasttaidat ja iežat identifiseren duođaštusa.

 

Ohcanáigemearri:

Ohcanáigemearri lea borgemánu 31.b. 2016

 

Ohcama sáddet oktan CV.ain e-posta čujuhussii: Postmottak@nesseby.kommune.no    

Merkes: «Teknalaš doaibmajođiheaddji»

 

 

 

 

 

 

 

 

 

 

 

 

 

 

 

 

 

 

 

Tips en venn  Skriv ut
Web levert av CustomPublish AS