• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
logonbr

Rabas beaivi buollinstašuvdnas lávvardaga čakčamánu 24.b. tii. 11-14

Golbma Norgga olbmuid gaskas diehtá okta dainna maid galgá dahkat jos buollá.  Dušše golbma proseanta dainna leat leamašan mielde buollinčaskademi hárjehusas ja leat geahččalan báhtaransajiid mat sis leat ruovttus. Buollinsuodjalanvahkku oktavuođas dáhttu buollindoaimmahat olbmuid rutiinnaid hárjehallat maid bargat jos buollá.

Ođđa iskkadeamis maid TNS Gallup lea čađahan oktan daiguin; If Skadeforsikring, Direktoratet for samfunnssikkerhet og beredskap ja Norsk brannvernforening, fástidit 12 proseanta ahte bearaš lea šiehtadan čoahkkanan saji olggobealde jos álgá buollit.

- Áššis maid mii ballat lea ahte olbmot mannet fas sisa dállui ohcat muhtun bearrašis gii lea jo beassan dálus olggos eará sajis.  Olbmot eai dábálaččat dieđe man váralaš mirkkut suovas leat, ja man váralaš gárra báhkka sáhttá leat.  Mii ávžžuhit buohkaid dieđihit Našunála buollinhárjehallamii siidduin brannvernuka.no , ja čađahit hárjehallama ruovttus. Dii šiehtadallabehtet gos čoahkkanit , ja hárjehallabehtet geavahit iešguhtege báhtaransajiid.

Vaikko dáluin leat ge biddjon buollinráidalas, de eai leat gallis geat hárjehallet mo báhtarit jos buolligoahtá ruovttus. Dás leat dušše vihtta proseanta geat leat hárjehállan mo beassat olggos báhtaransajiin.

- Go vuos leat oastán buollinráidalasa, de berre bearaš geahččalit dan oadjebas sihkkaris dilálašvuođain. Hárjehallamis olmmoš oahppá ja diehtá mo báhtareapmi dolas doaibmá. Dušše dat ahte čielggadit ráiddu; gii galgá mannat vuosttasin jnv., sáhttá leat heahtedilis dehálaš.  Dehálaš lea maid sihkkarastit iežaset sealaiguin, báttiiguin dahje eará sihkkarastinbiergasiiguin vai ii gahča hárjehaladettiin.

Buollinrutiinnat ja buollinhárjehállamat lea váldofáddán riikka birrasis Buollinsuodjalanvahkkus (Brannvernuka) maid If, DSB, Norsk brannvernforening ja buollindoaimmahagat miehtá riika lágidit.  Badjel 350 buollinstašuvnnat bovdejit rabas beaivái gos leat doaimmat sihke mánáide ja ollesolbmuide.  Dasa lassin lea maid našunála buollinhárjehallan gos sullii 600 000 váldet oasi sihke fitnodagain, skuvllain, mánáidgárddiin, institušuvnnain, almmolaš kontuvrrain ja priváhta dáluin miehta riikka. Ulbmilin dainna lea ahte buollinhárjehallamat lassánit ja kvalitehta buorrána.

Buollinstašuvdna rabas beaivvis ožžot mánát ja ollesolbmot oahppat mo sihkkarastit ruovttu buollima vuostá. Dás leat gilvvut, ja besset maid oaidnit  čáskadan demonstrašuvnnat ja buollinčáskadanbiillaid.

- Miehtá riika juohkit mii 120 000  duhkorasbuollinčáskadanbiillaid mánáide.  Mánát liikojit dán hirbmosit.  Rabas beaivi buollinstašuvnnas addá midjiide vejolašvuođa deaivvadit olbmuiguin geat ásset lagašbirrasis. Dál go manná dan áigodaga vuostá goas eanemus dálut buollájit , de lea dehálaš ášši midjiide buktit buriid ráđiid buollineastadeamis.

Min guovllus lea Unjárgga Buollin ja Gádjun geat čađahit lágideami.  Mii bovdet buohkaid boahtit rabas beaivái Unjárgga gieldda Buollinstašuvdnii Vuonnabahtii, lávvardaga čakčamánu 24.b. tii.11.00 - 14.00.

Neahttasiidduin www.brannvernuka.no  gávnnat listtu buot buollinstašuvnnain mat váldet oasi lágidemiin, dás gávnnat maid interaktiiva kártta ja fylkkaid namaid geat leat mielde. Dáppe leat maid Live-oppalašgeahčastagat buohkain geat oasálastet našunála buollinhárjehallamis. Listtut leat sirrejuvvon doaimmaid- ja fylkkaid-/gielddaid mielde, vai lea álki gávdnat báikkálaš oasseváldiid.

Báikkálaš mediaoktavuođaolbmot:

 

Buollinhoavda, Sten Gøran Olsen

 

Ráđit mo ruovttus čađahit hárjehállama ruovttus jos dállu buollá:

- Iešguhtet dáhpáhusaid galgabehtet hárjehallat; maid dahkabehtet jos ihkku buollá? Jos buollá beaivit? Jos álgá buollit beaivelanjas/stobus? Bassaladdanlanjas? Kievkkanis?

- Galgabehtet gávnnahit makkár olggosmannama jos buollá ehpet sáhte geavahit.  Makkár eará vejolašvuođat leat beassat olggos? Geahččalehpet gakcut olggos glásareaigga, ja geahččalehpet buollinráidalasaid jos dis leat.

- Ollesolbmot mearridit gii galgá bargat maid.  Gii váldá mánáid? Gii viežžá čáskkadanbiergasiid jos lea dilli dasa. Gii riŋge buollindoaimmahat heahtenummarii?

- Dii galgabehtet mearridit fásta čoahkkanansaji olggobealde vai oaidnibehtet farga ahte leat go buohkat sajis ja sihkkarvuođas. Válljebehtet oadjebas saji maid lea álki muitit, omd.  flávgastákku bálddas,  poastakássa bálddas, dahje sisamannan luotta alde.

Eanet buriid ráđiid gávnnat dás:  www.brannvernuka.no/nasjonal-brannovelse.

Buollindoaimmahat

 

Tips en venn  Skriv ut
Web levert av CustomPublish AS