medisiner

Jagi 2017 álggu rájes it dárbbaš ohcat šat dearvvašvuođabálvalusaid friddjakoartta

 

Iežasoasserádjá 2 friddjakoartta lea automatiserejuvvon ođđajagimánu 1.bv 2017 rájes. Dán beaivvi rájes it dárbbaš šat ohcat dearvvašvuođabálvalusaid friddjakoartta. Dat boahtá poastta mielde automáhtalaččat maŋimustá golmma vahku geahčen das, go iežasoasserádjá 1 990 kr lea deavdašuvvan.  

 

Iežasoasserádjá 2 friddjakortii gullet dát golut:

  •          iskkadeapmi ja dikšu fysioterapeuhta luhtte, geas lea jođihandoarjja dahje gieldda fysioterapeuhta luhtte

  •          dihtolágan bátnedivššut 

  •          Orrungolut rehabilitereninstitušuvnnain, main lea doaibmašiehtadus regionála dearvvašvuođafitnodagaiguin 

  •          dikšunmátkegolut olgoriikii Oslo universitehtabuohcceviesu - Rikshospitalet bokte

    Dát lea ođas ođđajagimánu 1.bv rájes 2017:

  •          Don oaččut friddjakoartta ozakeahttá go iežasoasserádjá 2 lea deavdašuvvan. Dat boahtá poastta mielde maŋimustá 3 vahku dan maŋŋel go iežasoasserádjá lea deavdašuvvan.

  •          Jagis 2017 iežasoasserádjá 2 friddjakoarta lea 1990 kr.

  •          Jus leat máksán menddo olu, de ruhta mii gullá dutnje máksojuvvo ruovttoluotta automáhtalaččat.

  •          Ahkerádji lea dál loktejuvvon 12 jahkkásaččas 16 jahkkásažžii nuvttá geavahit dearvvašvuođabálvalusaid

  •          Buot pasienttat, geat fitnet fysioterapeuhta luhtte, galget ieža máksit iežasoasi – earret mánát vuollel 16 jagi ja olbmot, geat barggu geažil leat lápmašuvvan/ožžon váttu.

  •          Don sáhtát ieš čuovvut mielde registrerejuvvon iežasosiid, go logget sisa helsenorge.no siiddus.

     

    Iežasoasserádjá 1 friddjakoarta – ođđa iežasoasserádjá jagis 2017: 2 205 kr

    Iežasoasserádjá 1 friddjakortii gullet iežasoasit go finat doaktára dahje psykologa luhtte, finat poliklinihkkas (buohcceviesus), røntgeninstituhtas, pasientamátkkiin ja dálkasiin ja eará reaidduin maid oaččut alit reseapttain.

    Dát friddjakoarta boahtá automáhtalaččat poastta mielde maŋimustá golbma vahku dan maŋŋá, go leat máksán badjel 2 205 kr iežasoasi jagis 2017.

    Eanet dieđut gávdnojit interneahttasiiddus helsenorge.no/frikort

     

Sini Rasmus
Tips en venn  Skriv ut