• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling_100x100

UNJÁRGGA OAHPPOGÁLDU

 

Rabas virggit vuođđoskuvllas ja skuvlaastoáiggefálaldagas skuvlajahkkái 2017 - 18

 

Unjárgga gielda lea uhca ja starggas sámi gielda Nuorta-Finnmárkkus, gos olmmošlohku lassána. Dál dáppe ásset s. 950 olbmo. Gielda birastahttá siskkit Várjavuona, gos Vuonnabahta lea gieldda guovddášbáiki. Gielddas lea čáppa ja máŋggabealát luondu guovdu Nuorta-Finnmárkku. Vuonnabađas lagamus gávpogii, Čáhcesullui, lea mátki s. 5 miilla.

Unjárgga Oahppogáldu lea Vuonnabađas. Oahppogáldui gullet mánáidgárdi, skuvla, skuvlaastoáiggefálaldat ja rávesolbmuidoahpahus. Oahppogáldu bargá PALS-málle vuođul.

Unjárgga Oahppogálddus leat 150 máná, 50 mánáidgárddis ja 100 oahppi skuvllas 1.-10. cehkiin.

Gielda fállá nuvttá mánáidgárdesaji buot gieldda mánáide.

Rabas virggit vuođđoskuvllas ja skuvlaastoáiggefálaldagas skuvlajahkkái 2017 - 18

 

Skuvllas:

           Oahpaheaddjevirggit, sihke vuođđoskuvllas ja ollesolbmuidoahpahusas. Mii sávvat ovddemužžan bargiid ollesvirggiide.

Fágadárbbut: dárogiella, eaŋgalasgiella, sámegiella, musihkka ja erenoamášpedagogihkka. Oahpaheaddjit eará fágagelbbolašvuođain sáhttet maid ohcat.

Dáid virggiide gáibidit vuođđoskuvlaoahpu/fágaoahpaheaddjeoahpu.

  • Mánáidgárdeoahpaheaddji, áinnas erenoamášpedagogihkain, 100% virgi skuvlajahkkái 2017/18. Virgái gullá bargat ovttain ohppiin.

 

SÁO:

  • Fágabargit – guokte 40 % virggi. Virggit leat áigodahkii 01.08-17 rájes 31.07.18 rádjai.

Mii ohcat bargi gii:

 

  • Dovdá báikkálaš sámi kultuvrra ja lea positiivvalaš guottut dasa

  • Dus lea mokta ja miella leat mielde hukset mánáide buori bajásšaddanbirrasa ja dus leat attáldagat doaibmat mánáid dárbbuid mielde.

  • Dus lea fágalaš beroštupmi mánáid ovdáneami ektui ja dáhttu ovdánit fágalaččat

  • Dus leat buorit gulahallan- ja bargonávccat, nu ahte leat mielde doalaheamen ja ovddideamen buori bargobirrasa

  • Don oainnát čovdosiid hástalusaide mat beaivválaččat bohciidit

  • Don leat mielde ovdánahttimin organisašuvnna oktasaš pedagogalaš gulahallanvuogádas 

  • Dus lea máhttu ásahit ja doalahit buori oktavuođa vánhemiide

  • Don leat positiivvalaš, luohtehahtti, lojála ja iešheanalaš ja dus lea bargomokta beaivválaš doaimmas

  • Dus leat heivehallannávccat go nuppástusat čuožžilit 

    Virggiide:

  • Virgáinammadeapmi dáhpáhuvvá gustojeaddji lágaid ja soahpamušaid eavttuid ja geatnegasvuođaid mielde.

  • Vai sáhttá virgáinammaduvvot Oahppogálddu bargin, eaktuda ovdanbuktit dohkkehuvvon politiijaduođáštusa.

  • Áigeguovdilis kándidahtat bovdehuvvojit jearahallamii.

  • Relevanta oahppu, bargovásáhus ja persovnnalaš dohkálašvuohta deattuhuvvojit.

  • Ovdamunni vearuhusas / studerenloana geahpedeapmi Stuorradikki mearrádusaid mielde, gč. http://www.tiltakssonen.no/

  •  

  • Eanet dieđuid oaččot go riŋget doaibmajođiheaddjái tlf 40440576 dahje loga olles almmuhusa gieldda ruovttusiidduin http://www.nesseby.kommune.no/.

 

Ohcanáigemearri: 10.05.17

 

Ohcan oktan CV:n ja referansaiguin sáddejuvvojit:

postmottak@nesseby.kommune.no

 

Duođaštusaid válddát mielde jus bovdejuvvot jearahallamii.

 

Tips en venn  Skriv ut
Web levert av CustomPublish AS