• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
sametinget logo

Tromsø den 20.-22. oktober

Bovdehus Oadjebas Sápmái

Mo ráhkadit oadjebas arenaid sámi mánáide ja nuoraide? Mii lea rievtti mielde rádji, ja mii lea rievtti miel illásteapmi? Mo mii eastadit rájarihkku láhttema? Ja maid galgá dahkat go seksualalaš illásteapmi dáhpáhuvvá?

Mis lea stuorra illu bovdet sámi, organiserejuvvon nuoraid gaskal 16-28 jagi ožžut vástadusaid dáid jearaldagaide min kursabeivviin Romssas golggotmánu 20.-22. beivviid. Mii ávžžuhit visot organisašuvnnaid ja jovkkuid Sámis sáddet guokte olbmo, ja áinnas unnimusat akta dain joavkku stivrras. Mii sávvat ahte dat guovttis maŋŋil kursabeivviid sáhttiba váldit ođđa oahpu mielde ruoktut sin jovkui, ja nu váldit oasi ovddasvástadusas ahte nu olusat go vejolaš besset oahppat dán fátta birra. Nu mii sávvat ovttas dahkat oadjebas Sámi!

Sámedikki nuoraidpolitihkalaš lávdegoddi, ovttasbargguin Bufdirain, LNUain ja SÁNAGiin leat lágideamen kursabeivviid. Bufdir gokčá orruma ja biepmu, ja diŋgo dutnje mátkki. Oadjebas Sápmi lea garrenmirrkuid haga. Dieđiheapmi ovdal čakčamánu 17. beaivvi dán liŋkka bokte: https://easyfact.no/reply/lqmtnjncyc

Jos dus ležžet jearaldagat kursabeivviid birra, váldde oktavuođa Ánná Káisá Partapuoliin (SáNuL) telefuvdnanummiris 915 74 533 dahje eboasttas annakaisa@biegga.com.

Jos dus ležžet jearaldagat mátkkošteami ja bookinga birra, váldde oktavuođa Betina Torbjørnseniin (Bufdir) telefuvdnanummaris 466 16 244 dahje eboasttas Betina.Torbjornsen@bufdir.no

 

Dearvvahiiguin

Sámedikki nuoraidpolitihkalaš lávdegoddi

Jođiheaddji Ánná Káisá Partapuoli

Tips en venn  Skriv ut
Web levert av CustomPublish AS