• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Rovvilt

Finnmárkku fylkkamánni jagi 2018 válmmašvuođatelefuvdna lea ráhkkanan vástidit boraspiriide guoskevaš áššiin

Boraspirelávdegoddi dahje Birasdirektoráhtta lea addán Fylkkamánnái dihto kvohtameari báhčinlobiid bivdindihte boraspireid. Dat hálddašuvvojit áigodagas geassemánu 1.bv gitta guovvamánu 15.bv. rádjái. Dákkár boraspiret mat dahket vahágiid leat earret eará geaŧkkit, albasat, guovžžat ja gumppet. Gonagasgoaskima báhčinlobiid hálddaša Fylkkamánni birra jagi.

Finnmárkku Fylkkamánni lea rahpan válmmašvuođatelefuvdna boraspiriide guoskevaš áššiin áigodagas geassemánu 1.bv gitta golggotmánu 15.bv rádjái. Válmmašvuođatelefuvdna lea rahppon dan dihte vai sáhttit jođánit gieđahallat báhčinlohpeohcamušaid dalle go boraspiret leat dahkan vahágiid. Dasa lassin, dárbbu mielde, sáhttá váldit oktavuođa Birasdirektoráhta válmmašvuođatelfuvdnii boraspiriide guoskevaš áššiin.


Áššit maidda sáhttit vástidit go riŋget váktaáigodagas:
- Báhčinlobiide guoskevaš ohcamušaid birra ja čuovvoleapmi go leat geahččalan bivdit.
- Ohcamušat jođánis eastadandoaibmabijuin dalle go boraspire lea dahkan vahágiid
- Gulahallan bivdojoavkkuin.
- Vuostáiváldit dieđuid ealliid birra mat leat báhččon, vahágahtton dahje jus lea báhčán meattá.
- Gulahallan SNO:in ja šibit/sávza/boazoeaiggádiin go leat geahččalan bivdit vahátdahkki boraspire.


Jus eahpidat ahte eallit maid guođohat leat lápmašuvvan ráfáidahtton boraspiriid geažil, de berret váldit oktavuođa juogo báikkálaš Stáhta luonddubearráigeahččiin (SNO), boraspireoktavuođaolbmuin dahje regiuvnna boraspireovddasvástideaddji Magne Asheimiin, dárkkistandihte ráppiid. Dan maŋŋá berret váldit oktavuođa Finnmárkku Fylkkamánniin vai sáhttit ráđđádallat maid bargat viidáset, ovdamearkkadihte bivdit vahátdahkki boraspire dahje bidjat johtui eará doaimmáid eastadandihte vahágiid. 


Unjárgga, Porsáŋggu, Mátta-Várjjat ja Deanu gielddain leat iežaset bivdojoavkkut. Dát bivdojoavkkut galget ovddemusas geahččalit bivdit vahátdahkki boraspireid. Gielddain lea ovddasvástádus hálddašit dáid bivdojoavkkuid ja danin sidjiide galgá váldit oktavuođa nu árrat go vejolaš jus áigu ohcat bivdolobi vahágiid geažil maid boraspiret leat dahkan. 

Oktavuođadieđut
Finnmárkku Fylkkamánni: 78 95 03 00 (08:00-15:30)
Finnmárkku Fylkkamánni válmmašvuođatelefuvdna boraspiriide guoskevaš áššiin: 934 94 380 (maŋŋá bargoáiggi)
Birasdirektoráhtra válmmašvuođatelfuvdna boraspiriide guoskevaš áššiin: 977 87 000
Stáhta luonddubearráigeahču (SNO) regiuvnnalaš ovddasvástideaddji boraspire áššiin Magne Asheim: 922 64 407
Oktavuođadieđut báikkálaš kántuvrraide ja oktavuođaolbmuide geat barget boraspireáššiiguin gávnnat neahttasiiddus http://www.naturoppsyn.no

Tips en venn  Skriv ut
Web levert av CustomPublish AS