• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
lotteri

Dál sáhttet eaktodáhtolaš searvvit ja organisašuvnnat ohcat lassiárvodivatbuhtadusa

Jagis 2019 áigu lotteriija- ja vuođđudusbearráigeahčču juohkit 1,6 milliardda ruvnnu lassiárvodivatbuhtadusas eaktodáhtolaš servviide ja organisašuvnnaide.

Ollusat geat eai oza

Ovddit jagiid vásáhusat čájehit ahte máŋga searvvi ja organisašuvnna eai oza lassiárvodivatbuhtadusa. Dat geat eai dávjá oza leat dávjá báikkálaš dahje regiovnnalaš searvvit dahje organisašuvnnat, mat gullet stuorit organisašuvnnaid vuolábeallái nu mo Norgga faláštallanlihttu (NIF), 4H Norge, Norges Musikkorpsforbund, Norgga Rukses Ruossa ja Norges Jeger- og Fiskerforbund. Nu gohčoduvvon vuolitlađđasat (báikkálaš dahje regiovnnalaš searvvit) galget ohcamušaid sáddet stuorit organisašuvnnaid bokte. Ohcamušat mat bohtet njuolgga lotteriija- ja vuođđudusbearráigehččui hilgojuvvojit.

Mii háliidat olahit eambbosiid

Leat maiddái muhton ráje ovttaskas searvvit dahje organisašuvnnat geat eai oza, omd. Organisašuvnnat mat eaktodáhtolaččat barget sisafárrenjoavkkuid ovddas ja eará báikkálaš searvvit. Danin mii dál geahččalat olahit sin gielddaid ja fylkkagielddaid bokte, ja dáhttut veahki ovddidit dieđuid dán áššis du iežat gielddas/guovllus.

Sáhtát lohkat eambo eaktodáhtolaš organisašuvnnaid lassiárvodivatbuhtadusas min neahttasiiddus. Doppe gávnnat maid dehálaš dieđuid mat gullet láhkaásahusa rievdadeapmái, mat doaibmagohtet ohcanjagis 2019.

Jus ležžet gažaldagat váldde oktavuođa e-poasta bokte: postmottak@lottstift.no dahje
tlf.: 57 82 80 00.

Vuolimusrádjá

Muhtun ovttaskas ohcciide lea vuolimusrádjá. Leat guokte modealla, mo sáhttá ohcat. Álkidahttojuvvon ohcamuša vuolimusrádjá lea 100 000 ruvnnu olles doallogolus, go fas dokumenterejuvvon ohcamušas ohcci lasseárvodivat galgá leat uhcimusat 7000 ruvnnu, mii lea ohcamuša vuolimusrádján. Sii geat ohcet buhtadusa vuolitlađđasin eai dárbbaš vuhtiiváldit vuolimusrájáid, danin go sii sáddejit ohcamušaid stuorit organisašuvnnaid bokte.

Ohcanáigemearri

Čakčamánu 1. bv 2019 lea ohcanáigemearri sáddet ohcamuša lotteriija- ja vuođđudusbearráigehččui

Guovddášlađđasiin lea árat ohcanáigemearri

Mearkkaš ahte guovddášlađđasat mearridit iežaset vuolitlađđasiidda ohcanáigemeriid. Geahča guoskevaš organisašuvnnaid ruovttusiidduid, dahje váldde oktavuođa guovddášlađđasiin jus háliidat eambbo dieđuid.

Ferte leat eaktodáhtolašregistaris

Buot searvvit ja organisašuvnnat geat áigot váldit vuostá lassiárvodivatbuhtadusa fertejit leat eaktodáhtolašregistaris ovdal čakčamánu 1. bv dán jagi. Dat guoská maiddái daidda geat ohcet guovddášlađđasiid bokte.

Muitte ahte registreren soaitá ádjánit.

 

Tips en venn Tips en venn Skriv ut Skriv ut
Web levert av CustomPublish AS