• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
scooter

Rabas skohterláhtut Unjárgga gielddas

Dál lea ollu muohta ja fiinna siivu vuodjit skohteriin. Unjárgga sátnejođiheaddji lea gielddastivrra bealis mearridan rahpat 7 skohterláhtu Unjárgga gielddas juovlamánu 13.bv tii. 10.00 rájes. 

Dát skohterláhtut leat dihkáduvvon ja rahpas johtolahkii:

RABAS - Láhttu 2 - Unjárláhttu:

P-sajis, davábeal Unjárgga girkobáikki,čuovvu “Ráhkesvuođaluotta" rastá stuorra jeakki doalvegeainnusii luodda rái bajás Suovvejohvuohpi ( Bergebydalen), viidáset bálgá/tráktorluotta rái oarjebeale Suovvejovuohpi (Bergebydalen) Suoidneguolbanii ja Máddavárjoga hyttáguvlui. Dás rastá Suovvejoga Boaltun ja Leavdnjevári buohta Suovvejávrái. 

RABAS - Láhttu 3 - Skálvejárláhttu:

Gielddageainnu geažis Fuoiknjárggas Gálbajohkii, ja RG 98 bajás gielddageainnu rai Gálbajot guora. Viidáset traktorluotta čuovvu Gálbajotjeakki, Snurrejávrri ja Gárdanjuni Skálvejávrái. Viidáset rastá Ággejávrri (jávri 196) 198 alážii máttabeal Thráná-hyhttá, nuortabeale Nostá-hyhttá ja láhttu nr. 2 Máddavárjotguolbba buohta. Skálvejávrris manná luodda Gáhkkorjávrái.

RABAS - Láhttu 4 - Nyborgláhttu:

Nyborgmoenis meahccegeainnu mielde Nieidaváralážii. Dasto čuovvu láhttu geassemáđiid Eliasjohkii, máddabealde Bálddasvaðoaivvi láhttu nr. 3 davábealde Gárddanjunláddu.

RABAS - Láhttu 5 - Vuonnabahláhttu:

Vuonnabađas fiervagátte, birra Skikkanjárgga Njiđggujohnjálbmái ja johkaráigge bajás Vuolle Njiđggu bruggii. Viidásat máddaovstta beale gielddageainnu, ovsttabeale Guovžabávtte, Čorrui, dákko gokko rasttilda E6 ja viidásat Stuorravuonguolbanii/čievraválddahakii. 

RABAS - Láhttu 6 - Luohkejeaggeláhttu
Stuorravuonguolbanis ja meahccegeainnu mielde, rasta Njiđggujoga ja viidáset hyttaid lusa Luohkkejeakki oarjjabeallái.

RABAS - Láhttu 7 - Suolojárláhttu:

vuolgá láhttu nr. 5:as Stuorravuonguolbana čievravieččahagas ja manná meattá Stráncce ja čuovvu meahccegeainnu mielde Njiđggujávrái ja das Suolojávrái.

RABAS - Láhttu 12 - Nyborglialáhttu:

Manná Nyborglias gielddageainnu davábeale geaidnogeahčái ja das fas čuovvu čuovgaláhttu  Vuonnabahtii.

Tips en venn  Skriv ut
Web levert av CustomPublish AS