• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Informasjon

Doaibmabijut maid Unjárgga gielda lea ásahan koronavirusa ektui

Olles Norggas leat ásahuvvon garra doaibmabijut eastadandihte njoammudávdda leavvama.

Eiseváldit leat ásahan garra doaibmabijuid koronavirusa geažil ja danin Unjárgga gielda lea čohkken bargojoavkku bargat heahtediliin. Guovddážis lea fuolahit ahte servodatkritihkalaš doaimmat doibmet nu mo galget ja ahte mii sihkkarastit min álbmoga buresveadjima ja dearvvašvuođa. Mii ávžžuhit buohkaid geahččat ođđaseamos dieđuid mat bohtet Dearvvašvuođadirektoráhtas ja Álbmotdearvvašvuođainstituhtas  
 
Gielda lea bearjadaga njukčamánu 13.bv rájes ásahan čuovvovaš doaibmabijuid:
* Unjárgga Oahppogáldu (skuvla, skuvlaastoáiggeortnet ja mánáidgárdi) leat gitta - eanet dieđut vuollelis
* Ráđđeviessu gidde uvssaid álbmogii, váldde oktavuođa minguin telefuvnnain 40 44 05 00 dahje čális e-poastta post@nesseby.kommune.no
* Dearvvašvuođaguovddáža buhcciidossodagat ja fuolahanvisttit eai luoitte gussiid sisa. Váldde oktavuođa telefuvnnain, riŋges 40 44 06 44 dahje 40 44 06 60

* Girjerájus lea gitta ja girjerájusbusse ii vuoje ruvttuid
* Astoáiggeklubba lea gitta

Vai mii eastadit Covid-19 leavvama ja seammás doalahit dárbbašlaš dearvvašvuođa- ja fuolahanbálvalusaid, de lea Dearvvašvuođadirektoráhtta mearridan bidjat johtui doaibmabijuid mat gustojit duorastaga njukčamánu 12.bv tii. 18.00 rájes. 

Fuomáš sierra dieđu mánáid birra geaid vánhemat barget servodatkritihkalaš ámmáhiin (geahča vuollelis)
Jus eahpidat iežat dili de váldde oktavuođa Oahppogálddu doaibmajođiheaddjiin. Čális SMS tlf.nrummarii 40440576

Vai mii eastadit Covid-19 leavvama ja seammás doalahit dárbbašlaš dearvvašvuođa- ja fuolahanbálvalusaid, de Dearvvašvuođadirektoráhtta vuođđuda iežas mearrádusa njoammodávddaidsuodjalanlága § 4-1 nuppi lađđasii, gč. vuosttaš lađđasa bustávaid a ja b, mearrádusat giddet:

  • Mánáidgárddiid
  • Mánáidskuvllaid
  • Nuoraidskuvllaid
  • Joatkkaskuvllaid
  • Universitehtaid ja allaskuvllaid
  • Eará oahpahaninstitušuvnnaid

Čuovvovaš spiehkastagat gustojit mearrádussii: Seammás lea dehálaš doalahit doaimmaid dearvvašvuođa- ja fuolahanbálvalusain ja eará servodatkritihkalaš doaimmain ja eastadit ahte olbmot geat leat risikojovkui eai gártta mánnábiigán. 

Mánáidgárddiid jođiheaddjit ja mánáidskuvlla rektorat fertejit danin fállat bálvalusaid mánáide geaid vánhemat barget dearvvašvuođa- ja fuoláhanbálvalusain, fievrridansuorggis dahje earáide geat barget servodatkritihkalaš ámmáhiin. Spiehkastat guoská maiddái mánáide, geain leat erenomáš dárbbut ja dat dárbbut eai gokčojuvvo jus mánáidgárdi, skuvla dahje eará beaivválaš bálvalusat leat giddejuvvon. Dát ortnet lea gustovaš vuossárgga njukčamánu 16.bv rájes.

Čuovvovaš ámmáhat gullet kategoriijai servodatkritihkalaš doaimmat:

Gearggusvuođalávdegoddi oaidná ahte čuovvovaš 15 doaimma leat kritihkalaččat servodahkii:

  • Stivrejupmi ja kriisajođiheapmi
  • Suodjalus
  • Láhka ja ortnet
  • Dearvvašvuohta ja fuolaheapmi
  • Gádjunbálvalus
  • IKT-sihkkarvuohta siviila suorggis
  • Luondu ja biras
  • Sihkkarvuohta váráiduhttit
  • Juhkan- ja duolvačáhcejohtu
  • Ruđalaš bálvalusat
  • Fápmolágideapmi
  • Elektruvnnalaš gulahallanbálvalusat
  • Fievrrideapmi
  • Bálvalusat satellihtta čađa
  • Apotehkat
Tips en venn  Skriv ut
Web levert av CustomPublish AS