• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Informasjon

Errenáigegohččun lea ásahuvvon mii lea gustovaš buohkaide geat leat boahtán/máŧkkoštan olggobealde Davvi-Norgga

Jus don boađát/leat maŧkkoštan olggobeale Davvi-Norgga (Nordlándda, Romssa ja Finnmárkku fylkka), de galggat don 14 beaivvi guhkkosaš errenáigái (orrut dušše fal ruovttus) dalán go boađát Unjárgga gildii. Dát guoská maiddái go boađát eará riikkain, maiddái min ránnjáriikkain.   

Unjárgga gieldda váldodoavttir lea odne 15.03.20 tii. 16.00 geatnegahttán olbmuid čuovvut dán gohččuma njoammodávddaidsuodjalanlága § 4 vuođul. Gohččun lea gustovaš 15.03.20 tii. 16.00 rájes - dat mearkkaša dan ahte jus don leat leamaš máŧkkis olggobealde Davvi-Norgga maŋŋel dán áiggi, de gárttat errenáigái (orrut dušše fal ruovttus). 

Don sáhtát lohkat olles gieldda váldodoaktára mearrádusa dás.

Dát mearrádus ii leat gustovaš kritihkalaš bargiide, nu mo láhkaásahusa § 2 errenáiggis ja eará maid čállojuvvo, geat leat máŧkkoštan olggobealde Davviriikkaid. Dát spiehkastat sisttisdoallá maiddái eará dearvvašvuođabargiid ja fievrredanbargiid.

Mii dáhttut ahte don čuovut daid ráđiid mat leat addon. Ráđit addojuvvojit suodjalandihte boarrásiid, olbmuid geain lea ástmá ja eará geahpesdávddat, olbmuid geain lea borasdávda ja earáid geain lea várra garrasit buohccát Korona-virusa geažil. 

Čuovo dieđuid mat addojuvvojit www.nesseby.kommune.no ja www.fhi.no siidduin.

Maid dat oaivvilda go gárttát errenáigái?

  • Biso ruovttus!
  • Ale mana bargui dahje skuvlii
  • Ale máŧkkoš ja ale ge jođe almmolašjohtolagain
  • Ale deaivvat eará olbmuin ja ale ge mana sajiide gos johtet ollu eará olbmot
  • Sáhtát fitnat gávppaseamen biepmu ja eará dárbbašlaš gálvvuid jus gii ge earáid ii sáhte du ovddas gávppašit. Muitte doallat mehtera gaskka eará olbmuide ja muitte bassat gieđaidat ovdal mana olggos viesus!

Sii guhte orrot duinna seammá dálus eai dárbbaš leat errenáiggis ovttas duinna, earát go dalle jus dát čála dadjá eará. Seammás mii ávžžuhit ahte leat nu uhcán oktavuođas eará olbmuiguin go vejolaš. 

Leatgo dus gažaldagat Korona-virusa ektui? Riŋges 815 55 015.

Tips en venn  Skriv ut
Web levert av CustomPublish AS