• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
forbud

Dieđut láhkaásahusas mii guoská errenáiggi ja astoáiggeopmodagaid/hyttáid


Ráđđehus dagai mearrádusa 19.03.20 láhkaásahusas, mii gieldá olbmuid ijasteames astoáiggeopmodagain olggobealde iežaset orrungielddaid. 
Láhkaásahus regulere máŋga ášši ja láhkaásahusa namma lea: "Láhkaásahus Covid-19 áššedili oktavuođas, mii guoská errenáiggi, isolerema ja gildosa orrut astoáiggeopmodagain (Forskrift om karantene, isolasjon og forbud mot opphold på fritidseiendommer mv.
i anledning utbrudd av Covid-19)"

Máŋgasat leat váldán oktavuođa Unjárgga gielddain astoáiggeopmodagaid birra dan maŋŋá, go dán vahkus almmuhuvvui ođas mas gieldda váldodoavttir gieldá olbmuid geavaheames astoáiggeopmodagaid. 

Dát erenomáš dilli mii mis lea dál korona-virusa geažil dagaha dan, ahte njuolggadusat rievdaduvvojit hui johtilit. Vai mii sihkkarastit ahte gieldda váldedoaimmaheapmi čuovvu lágaid, de ráđđehusa láhkaásahus njukčamánu 19.bv 2020 lea gustovaš eaiggádiidda geat oamastit astoáiggeopmodagaid Unjárgga gielddas. 


Láhkaásahus § 5 čuodjá ná:  

"Olbmot gildojuvvojit ijasteames astoáiggeopmodagain, mat leat eará gielddain go ieža leat álbmotregistrerejuvvon. 
Lobi mannat opmodahkii oažžu jus dárbbašlaš divodeamit galget dahkkot dahje lea dárbu bearráigeahččat opmodaga nu ahte stuorra ávnnaslaš vahágat eai geava. Olbmot geat leat errenáiggis § 2 vuođul ja juogadit dállodoalu nuppiin, geas lea duođaštuvvon njoammodávda SARS CoV-2-virus,
ožžot lobi ijastit astoáiggeopmodagas eará gielddas dan áigge, go sus geas lea njoammodávda lea errenáiggis láhkaásahusa § 4 mielde."

Olles láhkaásahusa sáhtát lohkat dás.

Láhkaásahus oaivvilda dán:

Jus don juogadat dállodoalu/orut ovttas nuppiin geas lea korona njoammodávda, de sáhtát ijastit astoáiggeopmodagas/hyttás Unjárggas vaikko leat registrerejuvvon álbmotregistarii muhtin eará gildii. 

Lea lohpi mannat beaivetuvrraide. Nu mo mii tulkot láhkaásahusa, de lea lohpi ijastit jus dus lea bággu/stuorra dárbu divodit opmodaga dahje jus fertet bearráigeahččat opmodaga nu ahte eai geava stuorra ávnnaslaš vahágat.   

Mii leat vuordimin ahte gielda farga oažžu johtočállaga departemeanttas, fylkkamánnes dahje muhtin eará eiseváldeorgánas. Dát johtočála čilge vuđoleabbot láhkaásahusa sisdoalu, doaibmaviidodaga, meroštusa ja eará. Vuordimis lea ahte bohtet ođđa ávžžuhusat doaibmabijuide ja láhkaásahusat rievdaduvvojit oanehis áiggis. Mii dáhttut buohkaid leat várrugasat ja danin ávžžuhit: ale mana hyttái jus leat eahpádusas. 

Láhkaásahusa § 6. Ráŋggáštus: Dán láhkaásahusa iešdáhtolaš dahje jurdilmeahttun rihkus, ráŋggáštuvvo sáhkuin dahje giddagasráŋggáštusain, mii sáhttá eanemusat lea 6 mánu, gč. njoammodávdasuodjalanláhka § 8-1.

Gielda muittuha: almmuhusas duorastaga njukčamánu 12.bv, ráđđehus ávžžuhii olbmuid leat ollásit jođekeahttá astoáiggis.  
Mii fokuseret ain eastadit njoammodávdda leavvama álbmogis, ja dáinna ja buot eará vejolaš doaibmabijuiguin háliidit várjalit olbmuid heakkaid ja dearvvašvuođa. Mii joatkit diehtojuohkima ja bidjat varraseamos ođđasiid min ruovttusiidui. Jus galgat olahit álbmoga jođánit dahje jus leat erenomáš dieđut olbmuide, de mii sáddet SMS telefuvdnii dahje sáddet e-poastta. 

Tips en venn  Skriv ut
Web levert av CustomPublish AS