Unjárggas lea ovtta ođđa olbmui njommon korona-virus
Olmmoš lea biddjon isolahtii ja iige dárbbaš veahki doaktáris.
Sátnejođiheaddji Knut Inge Store lea odne lávvardaga 21.03.20 sádden čuovvovaš preassadieđáhusa:
PREASSADIEĐÁHUS -
Ovtta olbmo, gii lea isoláhtas Unjárgga gielddas, iskkus čájeha ahte sus lea korona-virus
Odne 21.03. gieldda váldodoavttir oaččui dieđu, ahte ovtta olbmo iskkus čájeha ahte sus lea Korona-virus.
Odne mii oaččuimet dieđu ahte ovtta olbmo covid-19 iskkuus lea positiivvalaš. Dát olmmoš leamaš ruovttus errenáiggis njukčamánu 18.bv. rájes. Olmmoš ii leat gullevaš Unjárgga gildii. Olmmoš lea ovttasráđiin gieldda váldodoaktáriin soahpan ahte son lea ruovttus errenáiggis. Son lea buorráneamen ja sus ii leat leamaš dárbu oažžut veahki doaktáris.
Mii leat našunála njuolggadusaid mielde guorran mo dávda lea njommon. Buohkat geat leamaš lahka olbmo ožžot dieđu beaivvi áigge. Unjárggas lea gávdnon okta olmmoš gii leamaš lagas oktavuođas olbmuin geas lea dávda. Sus eai leat dávdamearkkat muhto leamaš liikká errenáiggis njukčamánu 18.bv. rájes.
Gielda muittuha ahte olbmot geain leat nurvolágan dávdamearkkat dahje feber eai galgga boahtit doavtterkántuvrii. Jus dus lea áigi doaktárii ja dus leat dávdamearkkat, de riŋges telefonnummarii 116117
Čuovo gieldda ruovttusiiddu, gos mii almmuhit ođđaseamus dieđuid korona-virusa birra.
Dearvuođat
Knut Store
Sátnejođiheaddji