• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Informasjon

Ođasmahttojuvvon dieđut korona njoammodávddas

Odne mii leat váldán iskosiid golmma olbmos. Okta dáin lea olmmoš guhte orru Unjárgga buhcciidossodagas. Midjiide eai leat boahtán raporttat, main eahpidit eambbosiid oažžon njoammodávdda. 

STATISTIHKKA BUOT ISKOSIIN MAID LEAT VÁLDÁN:

Mii leat Deanus ja Unjárggas váldán iskosiid oktiibuot 70 olbmos (Lohku lea ođasmahttojuvvon ja dasa lea lasihuvvon okta olmmoš, gii ii lean mielde ovddit statistihkkaloguin).

Mis leat oktiibuot 66 negatiivvalaš vástádusa iskosiin. Min iskosiin ovtta olbmo iskkus leamaš positiivvalaš. Ovtta olbmo iskkus, mii váldui buohcciviesus, lei positiivvalaš.

 

DAID OLBMUID DILLI DÁL GEAID ISKOSAT LEDJE POSITIIVVALAČČAT:

Unjárgga olmmoš, gii gárttai buohccivissui ja su iskkus lei positiivvalaš, čálihuvvui olggos buohcciviesus ovdal vahkkoloahpa ja lea dál ruovttus errenáiggis. 

Olmmoš, gean ruovttugielda lea eará gielda, lea ain errenáiggis iežas astoáiggeopmodagas Unjárggas. Son lei juo identifiserejuvvon vejolaš dávdaguoddin ja lea danin leamaš errenáiggis juo njukčamánu 3.bv. rájes. Su positiiva iskosa mii oaččuimet juo njukčamánu 21.bv. Son lea buorráneamen ja sus ii leat leamaš dárbu oažžut veahki doaktáris. 

 

NJUOLGGADUSAT ISKOSIID VÁLDIMII:

Njuolggadusat iskosiid váldimii eai leat rievdan dáid maŋimuš beivviid. Liikká lea buorre geardduhit daid. Dievaslaš dieđuid gávnnat dáppe: https://www.fhi.no/nyheter/2020/presiserer-testkriteriene/

 

Geain berre váldit iskosiid?

Dáid joavkkuid berre vuoruhit:

Sii, geain lea fáhkkatlaš vuoiŋŋahatbohcceinfekšuvdna ja feber, gosahat dahje eai nagot vuoigŋat albma láhkai ja geain seammás:  

  • Lea dárbu orrut ja oažžut veahki dearvvašvuođainstituhtas.
  • Pasienta, gii orru dearvvašvuođainstitušuvnnas. 
  • Jus olmmoš bargá dearvvašvuođabálvalusain dahje bargguin, gos ferte leat lahka pasienttaid, de sáhttá árvvoštallat galgágo dán joavkkus váldit iskosiid maiddái dalle vaikko eai leat nu garra dávdamearkkat muhto dat leat bistán badjel guokte jándora. (dan botta go leat ruovttus).
  • Jus olmmoš lea badjel 65 jagi ja sus leat kronalaš buozalmasvuođat (nu mo váibmodávda, diabetes, kronalaš geahpesdávddat, borasdávda ja alla varradeaddu). 
  • Jus olmmoš lea leamaš lagas oktavuođas olbmuin geas lea duođaštuvvon korona-virus njoammodávda (covid-19). (Dán joavkku ii sáhte vuoruhit jus lea váilevaš kapasitehta).

 

Gean ii galgga vuoruhit?

  • II galga váldit covid-19 iskosiid olbmuin geain eai leat dávdamearkkat.
  • Dábálaččat eat fála váldit iskosiid olbmuin, geain leat fáhkkatlaš vuoiŋŋahatbohcceinfekšuvdna. Eat dalle ge vaikko don leat aiddo boahtán mátkkis ruoktot. Galggat orrut ruovttus vel ovtta beaivvi dan maŋŋá go dus eai leat šat dávdamearkkat. Eai nu garra, fáhkkatlaš vuoiŋŋahatbohcceinfekšuvnnat sáhttet ovdamearkka dihte leat nuorvu dahje ahte dus lea čotta bávččas.

 

Leago dus nuorvu?

Buohkat geain leat vuoiŋŋahatbohcceinfekšuvnna dávdamearkkat galget orrut ruovttus. Mis ii leat kapasitehta váldit iskosiid buohkain dán joavkkus, danin go eanaš olbmuin ii leat covid- 19.

– Danin go mii eat dieđe geaidda dávda lea njommon, de danin mii ávžžuhit ahte buohkat orrot ruovttus vel ovtta beaivvi dan maŋŋá go dávdamearkkat leat jávkan, dadjá Álbmotdearvvašvuođainstituhta váldodoavttir Trude Arnesen.

 

 

Tips en venn  Skriv ut
Web levert av CustomPublish AS