• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
logo

HÁLIIDATGO ÁLGIT VEAHKKEDUOPMÁRIN ÁIGODAHKII 2021 - 2024

Gielddastivra galgá maŋimustá geassemánus válljet veahkkeduopmáriid ja árvvoštallanmiellahtuid boahtte áigodahkii. Vai mii sáhttit buoridit válggaid, de mii dáhttut kandidáhtaevttohusaid cuoŋománu 30.bv rádjai

Háliidatgo doaibmat veahkkeduopmárin? Don sáhtát dieđihit iežat beroštumi doaibmat  veahkkeduopmárin áigodagas 2021-2024. Gielda hásttuha olles álbmoga evttohit kandidáhtaid válggaide. Gielddastivra galgá maŋimustá geassemánus válljet veahkkeduopmáriid ja árvvoštallanmiellahtuid boahtte áigodahkii. Vai mii sáhttit buoridit válggaid, de mii dáhttut kandidáhtaevttohusaid maŋimustá cuoŋománu 30.bv rádjai.
 

Makkár doaimmat gullet veahkkeduopmárii? 
Veahkkeduopmárat leat dábálaš olbmot, geat leat mielde dahkamin mearrádusaid duopmoáššiiguin. Veahkkeduopmár sáhttá vuordit sisagohččuma oktii dahje guktii jagis. Eanáš duopmoáššiin bistet ovttas gitta golmma beaivái, muhto muhtin áššit sáhttet bistit guhkitge áigge. Veahkkeduopmára áirrasdoaibma lea servodatgeatnegahtti bargu ja danin dábálaččat oaččut friddja barggus čađahit doaimma. Jus don nisttihat bargobálkká, de oaččut buhtadusa dan ovddas. Go barggat Sis-Finnmárkku diggegotti, Hålogaland lágamánnerievtti dahje Eanajuohkinrievtti veahkkeduopmát áirrasdoaimmas, de dat mielddisbuktá ahte máŋgga veahkkeduopmáris don leat okta dain, gii dupmet ovttas juridihkalaš fágaduopmáriin. 

Gii sáhttá álgit veahkkeduopmárin

Láhkaortnet (duopmostuolloláhka) gáibida ahte gii beare sáhttá válljejuvvot veahkkeduopmárin. Muhtin dáin gáibádusain leat: 

• don leat álbmotregistrerejuvvon Unjárgga gielddas 

• don leat badjel 21 jagi ja vuollel 70 jagi dalle válgaáigodat álgá 01.01.2021

• don hálat ja áddet dárogiela 

• don leat Norgga dahje muhtin eará davviriikka stáhtaborgár, dahje leat čálihuvvon Norgga álbmotregistaris ahte leat orron Norggas maŋimuš golbma jagi  

• lávdegottis galget čohkkát seammá ollu nissonolbmot go almmáiolbmot 

• lávdegoddi galgá leat máŋggabealágit čohkkejuvvon, nu ahte dat buoremus lági mielde ovddasta buot beliid álbmogis 

• gávdnojit njuolggadusat lihccut searvamis válggaide virggi dahje láhkarihkkumušaid geažil. 

 

Eanet dieđuid sáhtát lohkat dás www.domstol.no/lekdommer 

 

Mo beassat veahkkeduopmárin? 
Jus don háliidat álgit veahkkeduopmárin áigodahkii 2021-2024, de sáhtát čájehit iežat beroštumi doibmii go sáddet e-poastta britt.inger.olsen@nesseby.kommune.no dahje riŋges 40440504.

Mii dárbbašit čuovvovaš dieđuid dus, guhte háliidat doaibmat veahkkeduopmárin: 

  • Ovdanamma, (gaskanamat), sohkanamma/goargu
  • Álbmotregistrerejuvvon adreassa
  • Riegádannummar
  • Telefonnr. ja e-poasta čujuhus
  • YBargosuorgi ja virgi   (ovdamearkka dihte Agronoma ja eanadoalli)
  • Don dáhtut válljejuvvot doibmii: ____________________

Dán áigodaga veahkkeduopmárat bohtet cuoŋománu áigge oažžut jearaldaga gielddas SMS bokte, gos mii dáhttut dus dieđu háliidatgo joatkit vai heaitit veahkkeduopmára doaimmas. Áššemeannudeaddjin veahkkeduopmár válggain doaibmá Britt-Inger Olsen, mobiltelefonnummar 40440504, e-poasta: britt.inger.olsen@nesseby.kommune.no



Unjárgga gieldda ovddas galget olbmot nammaduvvot čuovvovaš doaimmaide:

Sis-Finnmárkku diggegoddái:       12 veahkkeduopmára (6 nissonolbmo ja 6 almmáiolbmo)
Hålogalándda lágamánneriektái:    2 lágamánneriektemiellahtu/veahkkeduopmára (1 nissonolmmoš ja 1 almmáiolmmoš)
Finnmárkku Eanajuohkinriekti:       2 eanajuohkinriekteveahkkeduopmára (1 nissonolmmoš ja 1 almmáiolmmoš)
Sis-Finnmárkku duopmoguovlu  1 árvvoštallanmiellahtu      

Olbmot geat válljejuvvojit lágamánneriektái dahje diggegoddái eai sáhte válljet goappašat doaimmaid. Sii geat válljejuvvojit juogo diggegoddái dahje lágamánneriektái sáhttet válljejuvvot maiddái eanajuohkinriektái dahje evttohuvvot árvvoštallanmiellahttun. 

Eanajuohkin mielduopmár dahje riektearvomiellahttu bargu mielddisbuktá luonddu ja meahcci geahčadeapmi. Danin ferte son guhte váldá badjelis virggi ferte leat buori vuoimmis ja máhttit dádjadit meahcis:   
Eanajuohkinriekti: háliidivčče virgádit mielduopmára geas lea nana máhttu ovtta dahje eanet dáin surggiin; eanandoalus, vuođđoopmodat meroštallamis dahje boazodoalus.
Riekteárvomiellahttu: háliidivčče miellahttu geas lea nana máhttu luonddugeavaheamis, vuođđoealáhusas, eana/riekti árvoárvvoštallamis.

Lea ovdamunni juohke lávdegottis jus lea digitálalaš máhttu.

Jus eai leat doarvái mielduopmárat geat dieđihit beroštumi, de evttohuvvojit soaittáhagas seamma ollu olbmot sohkabealjuhkus árvaluvvon listui. Go lea duođaštuvvon ahte duopmostuollolága eavttut leat ollašuvvan ja meannudusduođaštus lea dárkkistuvvon, de ráhkaduvvo evttohuvvon kandidáhtalistu mii biddju ráđđevistái almmolaš dárkkistussii. Unjárgga gielddastivra dahká mearrádusa maŋimustá geassemánu 2020. Dasto addo čálalaš diehttu sutnje guhte lea válljejuvvon mielduopmárin.

 

 

 

Tips en venn  Skriv ut
Web levert av CustomPublish AS