• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
coronavirus

Deanu ja Unjárgga gielddaid iskaneavttut

Gielddat čuvvot Álbmotdearvvašvuođainstituhtta (Folkehelseinstituttetet) rávvagiid SARS-CoV2 iskosiid ektui; buohkat geat jáhkket iežas njoammuduvvon besset iskosa dahkat.

 Čuovvovaš joavkkut berrejit fidnet fálaldaga covid-19 iskosa dahkat:

  • Juohkehaš guhte vásiha fáhkka vuoiŋŋahatvuolšši dahje eará covid-19 dávdamearkkaid.
  • Juohkehažžii guhte sáhttá leat njommon covid-19, lagašoktavuođa bokte, dahje jus lea mátkkoštan  rukses dahje fiskes riikkain maŋimuš 10 beaivve.

Doavttir veardida eará joavkkuid iskkadit dárbbu mielde. Jus muhttomis eai leat dávdamearkkat, ii ge leat leamaš lagašoktavuođas earáin, muhto dattege lea fidnen positiiva iskosa, de galgá dávda duođaštuvvot nuppiin iskosiin.  

Dearvvašvuođabargit, maiddái easkaálgit ja sadjásaččat, geat leat leamaš guovlluin ja riikkain olggobeale Norgga maŋimuš 10 beaivvis geat eai fátmmostuva errennjuolggadusas (“ruoná” guovllut/riikkat), berrejit dieđihit iežas bargoaddái ovdal go bargagohtet. Ávžžohuvvo ahte juohkehaš dahká SARS-CoV-2 iskosa farggamusat, ja ahte sii eai bargga pasieantalágaš bargguid ovdal go lea duođaštuvvon negatiiva iskos.

Dearvvašvuođabargit geain lea errengeatnegasvuohta (leamaš rukses riikkain) galget 10 beaivvi erremii, ja sii galget dahkat SARS-CoV2 iskosiid guktii unnimus 48 tiimmu gaskkas, ja nubbi iskos dahkku fas unnimus 5 beaivve maŋŋil mátkkošteami. Go leat guokte negatiiva iskosa de sáhttet muhtin bargojoavkkut veardiduvvot beassat eret errengeatnegasvuođas.

Geahča dieđuid errema ja isolerema ektui olbmuide geat dahket covid-19 iskosa:

https://www.fhi.no/nettpub/coronavirus/helsepersonell/hjemmekarantene-og-hjemmeisolering-i-forbindelse-med-covid-19/

Go leat nu viiddis iskaneavttut, de ii leat vejolaš/dárbu isoleret buohkaid geat dahket iskosa, go eatnašiin ii leat covid-19. Ruovttuerren lea doarvái eatnašiidda dassái go iskosa vástádus ilbmá. Pasieanttat geain lea duođaštuvvon covid-19, pasieanttat geain duohta jáhkkimis lea covid-19 dahje pasieanttat geat leat dearvvašvuođaásahusas divššus, galget isolerejuvvot. Individuella veardideame vuođul sáhttet maid isoleret earáid jus orru jierpmálaš.  

Dasa lassin bohtet nationála ja báikkálaš errennjuolggadusat olbmuide geat leat mátkkoštan, muhto eai leat vásihan vuoiŋŋahatvuolšši, galget 14 beaivái ruovttoerremii, ja leat geatnegahtton dahkat iskosiid ja isoleret jus fidnejit dávdamearkkaid errenáiggis.

Kjell Magne Johnsen

Gieldda váldodoavttir,

11.08.20

Tips en venn  Skriv ut
Web levert av CustomPublish AS