• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
coronavirus

Ođđa nationála koronadoaibmabijut, ráđđevissui eai beasa boahtit gallestallit

Gielddahálddahusa eanaš virggehasat barget ruovttukantuvrrain.

Oassin njoammudávddaid eastadeami doaibmabijuin, maid ráđđehus almmuhii sotnabeaivvi ođđajagimánu 3. beaivvi, giddejuvvo gieldda ráđđeviessu olbmuid várás ođđajagimánu 4. beaivvi rájes doaisttážii. Seammá gusto Isak Saba Guovddážii maid.

Bibliotehka lea rabas nugo dábálaččat. Muitte ahte it oaččo boahtit sisa, juos du lea veadjemeahttun doallat guovtte mehtera gaskka iežat mieldegeavaheddjiide. Eanemustá 5 olbmo hávális bibliotehkas. 

Doaibmabijut mearkkašit earret eará:

Sosiála oktavuhtii:

  • Vealtta váldimis vuostá gussiid iežat geahčai. Vuorddes 14 beaivvi priváhta gallestemiiguin. Spiehkastagat dárbbašlaš ruovttubálvalusaide ja gallestemiide olbmuid luhtte geat leat maŋimušaideaset alde. Oktoássit ožžot váldit vuostá guossin ovtta dahje guokte fásta ustiba dahje ieža eallit guossis ovtta dahje guokte fásta ustiba dahje fásta bearatgotti báikkis. Mánáid geat leat mánáidgárddiin ja mánáidskuvllain, ožžot gallestit sii geat gullet seammá jovkui/kohortii.
  • Buot organiserejuvvon astoáiggebuđaldeamit, valáštallanaktivitehtat, kulturdoalut ja eallinoaidnočoakkálmasat mat leat visttiid siste, rávvejuvvojit maŋiduvvot ođđajagimánu 18. beaivvi maŋŋelii. Dát guoská maiddái buot buđaldemiide visttiid siste mat čohkkejit mánáid ja nuoraid geat gullet iešguđet skuvlaluohkáide/kohorttaide.

Priváhta čoagganemiide ja doaluide:

  • Eanemusat 5 olbmo priváhta čoagganemiin mat dollojuvvojit eará sajiin go ruovttuin, nugo ovdamearkan riegádanbeaivi láigohuvvon lanjain. Juos leat eanet go 5 olbmo bearatgottis, de ožžot diehttelasat beareatgotti buot lahtut čoagganit.
  • Eanemusat 10 olbmo valáštallandoaluin, kulturdoaluin, seminárain, eallinoaidnočoakkálmasain, seremoniijain jna. mat leat visttiid siste, dattetge 200 olbmo doppe gos geahččit čohkkájit gittamonterejuvvon čohkkánsajiin. Hávdádusain ožžot leat gitta 50 olbmo rádjái, vaikko vel čohkkánsajit eai leat gittamonterejuvvon.

Dáppe sáhtát lohkat eambbo buot nationála doaibmabijuin mat leat fámus ođđajagimánu 18. beaivvi rádjái.


Áibbas dárbbašlaš dáhpáhusain sáhttet čoahkkimat šihttojuvvot iešguđege doaimmain. Virggehasat galget leat olámuttus epoasttas ja telefovnnas.

Juos leat jearaldagat, válddes oktavuođa gieldda telefonguovddášbálvalusain 40 44 05 00.

Tips en venn  Skriv ut
Web levert av CustomPublish AS