• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
høgtoppen

Ilmán vistehuksensajit Vuonnabađas!

Dál lea vejolaš ohcat huksensaji “Luemeravda ássanvisteguvlui”, Vuonnabađa ođđa ásodatbáikái.   

 

www.kommunekart.com neahttasiiddus lea vejolaš oaidnit vistehuksensajijuohku ja sajádaga.

Huksensajit leat merkejuvvon t1-t30.

t-25 huksensadjái ii sáhte huksejuvvot mihkkige allagealddalinja geažil.

Huksensajit leat ilmán, muhto dasa boahtá čanadivvat gollun, gč. vistehuksensajijuohku njuolggadusaid.

Huksensajit leat gárvá huksemii geassái/čavččabeallái.

 

Vistehuksensaji ohcamuččat sáddejuvvojit post@nesseby.kommune.no  Ohcanáigemearri lea njukčamánu 21. Beaivi.

 

Luemeravda vistehuksensajijuohku njuolggadusat.

1.Njuolggadusaid ulbmil 

Njuolggadusat galget leat vuođđun meannudit vistehuksensaji ohcamušaid Unjárgga gielddas

2.Almmuhus

Vistehuksensaji juolluduvvojit maŋŋá go huksensajit leat almmuhuvvon mediain ja/dahje gieldda ruovttusiidui. Ohccit fertejit rehkenuššit 3 vahku meannudanáiggi.

3. Juolludan- ja eaiggátsirdinlága eavttut

  • ‎Ohcci ferte leat deavdán 18 jagi.
  • Huksensadji juhkkojuvvo sidjiide geat áigot hukset ássanvistti
  • Huksensajit kommersiála visttiide vuoruhuvvojit 3. Čuoggá vuođul 5. Čuoggás.
  • Oasti galgá leat hukseheaddji. Dat lea ássan geatnegasvuohta Luemeravda ássanguovllus. Dat lea eahpepersovnnalaš gáibádus. Jus lea dárbu ássangeatnegasvuođa lága dahkat, de dat biddjo oassin ássanguovllu njuolggadusaide.
  • Ohcci galgá máksit depositumma 5000,- ruvnnu go ožžon juolluduvvot huksenbáikki. Dat manná huksenáššegollun maŋŋá. Jus vistehuksen ii leat álggahuvvon maŋŋá go lea gollan 12 mánu, de ii oaččo ohcci depositumma máksojuvvot ruovttoluotta.
  • Huksenbáikkit juhkkojuvvojit vuorbádeami bokte, vuorbádan njuolggadusaid vuođul.

 

  • Erenomáš láhka gielddalaš regulerejuvvon huksensajit FeFo-opmodagain:
  • Gielddalaš regulerejuvvon huksensajit mat gullet FeFo-opmodahkii, juhkkojuvvojit gielddalaš njuolggadusaid vuođul. FeFo čađaha mihtidanrekvisišuvnna ja lihtoda eanalággošiehtadusa.

4.Gáibádusat ohcamuššii
‎- Geavat ohcanskovi “Gielddalaš huksensaji ohcamuš”, ohcamuš galgá leat čálalaš.
‎- Jus ohccis lea ovttasássi/guoibmi gean nammii maid galgá huksensadji, de ferte dan namma maid boahtit ovdan ohcamušas.
‎- Ohcci geatnegahttá iežas buktit ovdan buot relevánta dieđuid ohcamušas. Jus maŋit áigge boahtá ovdan dieđut mat eai lean ohcamušas dahje eai leat riekta, de sáhttá ohcamuš hilgojuvvot.
‎- Unjárgga gildii lea addojuvvon fápmudus álbmotregistaris ja giddodatlogahallamis viežžat dieđuid gieđahallan dihte ohcamušaid.

5.Gieldda huksensajiid ohcamušaid gieđahallan ja vuoruheapmi.

Huksensajit vuorbáduvvojit. Jus bohtet eambbo ohcamušat go huksensajit, de ásahuvvo vuordinlistu mii lea gustovaš dassá huksenáigemearri lea gollan.

Veardiduvvo 7. čuoggá vuođul.

Huksensaji juolludeapmi vuoruhuvvo dán láhkai: 

1)  Priváhta huksejeaddjit vuoruhuvvojit ovddemužžan.

2)  Jus leat vel guokte huksensaji báhcán maŋŋá huksensajit leat juolluduvvon priváhta huksejeddjiide, de dat vurkkoduvvojit priváhta huksejeddjiide.

3)  Juolludeapmi huksensajiin kommersiála visttiide čađahuvvo maŋŋá go leat vuoruhan vuosttaš ja nuppi čuoggá. 

 

 6. Dohkkeheapmi juolluduvvon huksensadjái

Oasti oažžu Unjárgga gielddas juolludanreivve mii sisttisdoallá oastinšiehtadus. Dasa addo mánu vástidanáigi, gos galgá boahtit ovdán dohkkeha go ohcci juolluduvvon huksensaji, jus dohkkehuvvo de galgá oastinšiehtadus leat vuolláičállon. Jus vuolláičállon šiehtadus ii leat vuostáiváldojuvvon ovdal áigemeari fállojuvvo huksensadji boahtte ohccái.

Depositumma
Ohcci galgá máksit 5000,- ruvnnu depositumman mii boahtá fakturán go huksensadji lea juolluduvvon, mas lea 30 beaivvi máksináigi.

Máksojuvvon depositummas boahtá geasusin go fakturerejuvvo huksenáššegollun. 

Ohcci dohkkeha ahte areal sáhtttá dihttot. 

 

7.Huksenáigemearri

Das rájes go oastinšiehtadus lea vuolláičállon ja dohkehuvvon de lea 12 mánusaš áigemearri huksegoahtit huksensajis.
Huksenáigemearri mielddisbuktá ‎ahte vuođđubargo galgá leat gearggahuvvon huksenbáikkis ja ahte huksenlohpi lea juolluduvvon.
Jus vuođđobargu ii leat gárvvis ovdal huksenáigemeari de ii leat Unjárgga gielda čátnon juolludeapmái ja sáhttá fállat huksensaji eará ohcciide geat leat vuordinlisttus. Maŋiduvvon huksenlohpi sáhttá dohkkehuvvot jus lea almmolaš ovddasvástádusoktavuođas, dahje jus leat erenomáš sivat. Maŋidanohcamuš ferte čilgejuvvot ja dokumenterejuvvot.

Maŋiduvvon huksenlohpiohcamuš ferte sáddejuvvot čálalaččat mánu ovdal go huksen galggašii álggahuvvot. 

 

8. Liige huksensajit

Jus báhcet vel huksensajit maŋŋá go leat juolludan ohcamušaid vuođul, de juolluduvvojit huksensajit dađistága ohcciide. 

Huksensajit mat leat báhcán maŋŋá juolludemiid juolluduvvojit ohcciide geat leat vuordinlisttut 5 čuoggá vuođul 1. čuoggás. Dáid ohcciide juolluduvvojit huksensajit dađistága.  Eará ohcamušat meannuduvvojit go lea gollan 3 vahku ja juolluduvvojit jus ležžet šat huksensajit báhcán. Jus leat eambbo ohccit geat devdet gáibádusaid ja sáddejit ohcamuša seamma áiggis de vuorbáduvvojit huksensajit daid gaska. Muđui juolluduvvo huksensadji vuosttamuš ohcamušii. 

 

9.Viidáset vuovdin huksensajis
‎Dat ii leat lohpi vuovdit huksensaji viidáset.  

 

10.Huksensajigolut/hattit

- Huksensajit juolluduvvojit buhtadus hága.

- Eará gielddalaš golut bohtet lassin, gielddalaš bálvalusmávssu ektui 

 

11.Guoddalan vejolašvuohta: (hálddašanláhka §§ 2, 28)

Juohke eaŋkil mearrádus hálddašanlága ektui § 2, sáhttá guoddalit hálddašanlága § 28 vuođul. Mearrádusa sáhttá son guhte lea áššáigullevaš guoddalit Unjárgga gildii. Almmolaš guoddalan áigemearri hálddašanlága vuođul § 29 lea 3 vahku das rájes go ohcci lea oahpis mearrádussii.

 

Váidaleapmi/guoddaleapmii sáddejuvvo Unjárgga gildii, 9840 Vuonnabahta dahje post@nesseby.kommune.no

 

Tips en venn  Skriv ut
Web levert av CustomPublish AS