• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
nav

Ođđa doarjja NAVas addá geassebargu vejolašvuođaid nuoraide

Bargoaddit geat háliidit fállat geassebarggu bargguhis nuoraide sáhttet oažžut doarjaga NAVas.

Ulbmiljoavku geassebargodoarjagii leat nuorat geain leat váttisvuođat oažžut barggu ja dárbbašit veahki.  

Ođđa ortnet bođii albmosii ođđajagimánus. Bargo- ja sosiáladepartemeanta sáddii evttohusa álggahit bargodoaibmabiju gulaskuddamii, veahkehan dihte nuoraid bargodillái. Mannan vahkus bođii láhkaásahus ja geassemánu 1. b. doaibmagoahtá ortnet.

– Pandemiija lea čuohcan erenoamáš garrasit nuoraide. Erenoamážit sidjiide geat eai lean bargodilis ovdal go pandemiija bođii. Ulbmil dáinna geassebargodoaibmabijuin lea addit bargovásáhus vejolašvuođaid eambbosiidda, nu ahte besset viidáset bargoeallimis, dadjá bargo- ja buorredilálašvuođadirektevra Hans Christian Holte.

Eaktun doaibmabijus lea ahte bargoaddit ja NAV juohkiba bálkáolggosgoluid šiehtaduvvon áiggis. Doarjja ja heiveheapmi šiehtaduvvo gaskal bargoohcci-, addi ja NAV. 

Ávžžuha bargoaddi váldit oktavuođa

NAV ruovttusiiddu gávdnojit eambo dieđut sihke bargoohcciide ja bargoaddiide. Doppe gávdnojit dieđut geat sáhtet oasálastit doaibmabidjui, gii sáhttá ohcat, mo ohcat, dahje mo bargoaddi galgá dahkat jus áigo fállat geassebarggu. 

– Bargoaddit geain lea beroštupmi dahkat ovttasbarggo sáhttet váldit oktavuođa báikkálas NAV-kantuvrrain ja márkanráđđeaddin. Oktavuođadieđuid gávnnat nav.no dahje riŋges bargoadditelefovdnii, dadjá Holte. 

– Gánnáha gávdnat buori oktavuođa

Bargodilis čájehuvvo ahte lea dárbu bargiide, vaikko pandemiija čuohcá ealáhusaide.

– Muhtton ealáhusain lea hirbmat dárbu bargiide, mii doaivut bargoaddit ávkkástallet dán dilálašvuođas ja virgáidit min nuorra movttegis bargoohcciid. Dat soitet ávkkálaš ja buori attáldagat mat eai boađe oidnosii CVs, muhto soitet boahtit ovdan jus deivet rivttes bargoaddi. Lea dehálaš gávdnat rivttes oktavuođa, ja dasa galgá NAVa veahkkin, muitala Holte.  

 

Tips en venn  Skriv ut
Web levert av CustomPublish AS