• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
stråling

Gearggusvuođadieđut juttatableahtaid birra sávakeahtes atomadáhpáhusaid geažil

Gearggusvuođa dihte gielddas leat juttatableahtat juohkimassi mánáide vuollel 18 jagi, áhpehemiide ja sidjiide geat njamahit, jus dette atomalihkohisvuohta deaivida

Gielddadoaktáris leat odne čuovvovaš dieđuid ožžon:

Gearggusvuođa dihte leat eiseválddit mearridan ahte gielddain galget juttatableahtat juohkimassi mánáide vuollel 18 jagi, áhpehemiide ja sidjiide geat njamahit, jus radioaktiivvalaš judda leavva áimmu mielde ja eiseválddit ávžžuhit tableahtaid borrat.

Jus Norga deaivvahalla radioaktiivvalaš nuoskideapmái, juttatableahta borran sáhttá eastadit radioaktivvalaš jutta darvánit nuorra olbmuid guoggamasráksii. De sáhttá eastadit borasdávdda guoggamasráksii šaddat. Lea dehálaš  geavahit juttatableahtaid mat leat dan atnui, juogo Jodix (maid apotehkas oastá) dahje Kaliumjodid Recip (maid gielda juohká). 

Lea atomagearggusvuođa kriisalávdegoddi (KUA) mii árvvoštalla galgá go Norggas geavahit juttatableahtaid jus atomalihkohisvuohta deaivida. Suonjardanbearráigeahčču ja atomasihkarvuođa direktoráhtta (DSA), Direktoratet for strålevern og atomsikkerhet (DSA) jođiha KUA . Gielda ii juogat juttatableahtaid earret go jus eiseválddiin boahtá instruksa. 

Unjárgga gielddas leat doarvái juttatableahtat vuorkkas mat juhkojuvvojit dearvvašvuođaguovddážis Nyborgas. Gielddas ii sáhte viežžat tableahtaid ruoktot vurket gearggusvuođa dihte. Dan ávžžuhit apotehkas oastit. Juttatableahtaid sáhttá apotehkas oastit reseapta haga (juste dál lea vuordináigi beassat oastit).

 

Dás sáhtát lohkat eanet juttatableahtaid birra:

https://dsa.no/atomberedskap/jodtabletter/Sp%C3%B8rsm%C3%A5l%20og%20svar%20om%20jod.pdf

 

Kjell Magne Johnsen

Gieldda váldodoavttir

Tips en venn  Skriv ut
Web levert av CustomPublish AS