Sámegielakursa Isak Saba guovddážis 2023 čavčča
Isak Saba guovddáš lágida sámegielakurssa 2023 čavčča. Lea 56 tiibmosaš kursa (5 tiimmu vahkkui) ja kurssas deattuhuvvo guldaleapmi, njálmmálaš gulahallan ja teavsttaid lohkan.
SAM-1034: Sámegiella amasgiellan - Guldaleapmi ja njálmmálaš gulahallan
Isak Saba guovddáš lágida sámegielakurssa 2023 čavčča. Lea 56 tiibmosaš kursa (5 tiimmu vahkkui) ja kurssas deattuhuvvo guldaleapmi, njálmmálaš gulahallan ja teavsttaid lohkan. Kursa čuovvu seamma oahppoplána go UiT Norgga arktálaš univeristehtas (SAM-1034 (SAM-1034 Samisk som fremmedspråk – Lytting og muntlig kommunikasjon).
Kursa álgá borgemánu loahpas (vahkku 34). Kursasadji lea Isak Saba guovddážis Vuonnabađas.
Ohcan, dieđiheapmi ja sisaváldin:
Go dieđihat iežat studeantan, de oaččut 10 oahppočuoggá dán fáttás, muhto dalle fertet leat registrerejuvvon ja váldon sisa studeantan UiT:s. Studeantan ohcan dáhpáhuvvá elektrovnnalaččat Søknadsweb bokte (báikkálaš sisaváldin - lokalt opptak), 9199 ovttaskasfáttát - enkeltemner (iige realafága - ikke realfag). Geahča dieđuid ja čujuhusa Søknadswebii dás vuollelis.
Ohcanáigodat (ohcanáigemearri): suoidnemánu 20. beaivvis–borgemánu 11. beaivái (20.7–11.08).
Oza studeantan dákko (coahkkal: UiT Søknadsweb): https://uit.no/utdanning/opptaksinfo#kapittel_711477
Jus dárbbašat veahki studeantan ohcamii ja registreremii, de sáhtát váldit oktavuođa Isak Saba guovddážiin. Mii várret áiggi borgemánu 7.–10. beaivvi dasa, ahte don boađát deike Isak Saba guovddážii beaivit, ja mii veahkehit du ohcat studeantan.
Fuomáš! Lohkanbaji álggus ferte máksit lohkanbadjedivvaga (500,- ru) ja dieđihit iežas studeantan ja eksamenii UiT bokte.
Kurssa birra:
Fáddá čađahuvvo logaldallamiid, hárjehusaid ja joavkobargguid bokte. Studeanttat šaddet iežage bargat jeavddalaččat, sihke iehčanassii ja fárrolágaid guldalanhárjehusaiguin, teavsttaiguin, bargobihtáiguin, jorgalemiin ja njálmmálaš hállamiin. Studeanttain vurdojuvvo fágalaš bargoáŋgiruššan maiddái oahpahusbeivviid gaskkas.
Sáddes midjiide šleađggapoastta isaksaba@nesseby.kommune.no jus dáhtut oassálastit kursii. Muitte fal dieđihit iežat studeantan UiT Norgga árktalaš universitehtii ovdal áigemeari.
Váldde oktavuođa, jus dus leat kursii guoskevaš gažaldagat:
ritva.nystad@nesseby.kommune.no
Tlf: 40 44 05 52
Bures boahtin sámegielkursii!