• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
Print

Leat go jienastuslogus?

Gielddastivrra- ja fylkkastivrraválga 2015:

Jienastuslohku galgá addit ollesgova buohkain geain lea jienastanvuoigatvuohta dihto gielddas. Vai sáhtát jienastit fertet leat jienastuslogus. 

Jienasteddjiide geat orrot Norggas:

Buot olbmot geain lea jienastanvuoigatvuohta automáhtalaččat čállojuvvojit  dan gieldda jienastuslohkui gos sii álbmotregisttara mielde leat orron geassemánu 30. bv rádjai dan válgajagi.

Jus leat fárren eará gildii maŋŋá geassemánu 30. bv de leat ain čállojuvvon jienastuslohkui ja dus lea ain jienastanvuoigatvuohta dan gielddas gos don fárrejit eret. 

Jienasteddjiide geat orrot olgoriikkas:

Jus don orut olgoriikkas ja leat ovttage háve 10 maŋimuš jagi áigge registrerejuvvon álbmotregistarii norgalaš ássin, de don automáhtalaččat čálihuvvot dan gieldda jienastuslohkui gos don orrot dalle go fárrejit eret Norggas.   

Jus don it maŋimuš 10 jagi áigge leat registrerejuvvon ja orron Norggas, de fertet ohcat čállojuvvot dan gieldda jienastuslohkui gos maŋimuš orrot.

Don ozat nu ahte vuolláičálát doavdnjekonvoluhta mii geavahuvvo ovdagihtiijienasteamis olgoriikkas. Jus don ovdagihtiijienastat Norggas dahje it geavat namuhuvvon doavdnjekonvoluhta de fertet ohcat sierra. Dan sáhtát bargat nu ahte čálát dábálaš reivve dahje geavahat sierra skovi ( pdf-formáhttaodt-formáhtta dahje word-formáhtta). Ohcamuš ferte sisttisdoallat duođaštusa das ahte ain leat Norgga stáhtaborgár.

Ohcamuš ferte ollet válgastivrii dan gielddas gos don maŋimuš ledjet registrerejuvvon álbmotregisttáris ovdal čakčamánu 14.bv tii. 21.00.

Váidámušat jienastuslogu ektui sáddejuvvo čálalaččat deike: Unjárgga válgastivra, 9840 Vuonnabahta dahje e-postii postmottak@nesseby.kommune.no .

 

Sámedikki jienastuslohku

Sámedikki jienastuslohku, ođasmahttojuvvon dán rájes 30.06.15:

Jus háliida dahkat váidámuša jienastuslogu ektui de ferte sáddet čálalaš váidámuša Sámediggái. Váidámuša sáhttá dahkat gieldda- ja fylkkadiggeválgabeaivvi rádjái. 

 

***********

Jienastuslogut leat oaidnimis gitta válgabeaivvi rádjái čakčamánu 14.bv 2015. 

Jienastuslogut leat oaidnimis dáin sajiin:

  • Unjárgga ráđđevisttis
  • Unjárgga girjerádjosis
  • Girjebusses
Tips en venn  Skriv ut
Web levert av CustomPublish AS