• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
ledig-stilling_100x100

Rabas virggit vuođđoskuvllas skuvlajagi 2016 - 17

Jahkásaš sadjásaš oahpaheaddjevirggit ja mánáidgárddeoahpaheaddji, áinnas geas lea erenoamášpedagogihka oahppu.

UNJÁRGGA OAHPPOGÁLDU / NESSEBY OPPVEKSTSENTER

Unjárgga gielda lea mearrasámi gielda Nuorta Finnmárkkus, ja dáppe ásset sullii 950 olbmo. Gielda birastahttá siskkit Várjavuona ja Vuonnabahta lea gieldda guovddáš. Dáppe lea čába ja erenoamáš luohtu ja lea Nuorta Finnmárkku guovddážis. Vuonnabađas lagamus gávpogii, Čáhcesullui, lea sullii 5 miilla.

Ođđajagimánus jagis 2012 fárriimet ođđa bajásšaddanguovddážii, Unjárgga Oahppogáldui, gosa leat čohkkejuvvon mánáidgárdi, skuvla, skuvlaastoáiggeortnet ja rávisolbmuid oahpahus. Oahppogálddus mii bargat PALS modealla mielde.

Unjárgga Oahppogálddus leat 160 máná, 60 mánáidgárddis ja 100 oahppi skuvllas 1.-10. cehkiin.

Mánáidgárdi lea sámi mánáidgárdi mii erenomážit deattuha nannet ja ovdánahttit sámegiela ja kultuvrra. Mánáidgárddis leat 4 ossodaga, guokte sámegielat ja guokte gos dárogiella lea gulahallangiella. Gielddas lea bajimuš ulbmil ahte nu máŋggas go vejolaš ohppet sámegiela. Oahppogálddu bargit geavahit aktiivvalaččat oahpahusa oktavuođas lagasbirrasa, vulget tuvrraide ja eará somáid vásihit. 

 

Rabas virggit vuođđoskuvllas skuvlajagi 2016/ 17

 

Jahkásaš sadjásaš oahpaheaddjevirggit.   Mii háliidit ovddemužžan bargiid olles virggiin.

Fágadárbbut: eŋgelas, sámegiella, dárogiella, matematihkka ja erenoamášpedagogihkka.

Gáibidit vuođđoskuvlaoahpaheaddjeoahpu.

 

Mánáidgárddeoahpaheaddji, áinnas erenoamášpedagogihkain, 100 % virgái skuvlajahkái 2016/17. Virgái gullá bargat ovtta ohppiin.

 

 

Mii ohcat bargi gii:

  • Dovdá báikkálaš sámi kultuvrra ja lea positiivvalaš guottut dasa
  • Dus lea mokta ja miella leat mielde hukset mánáide buori bajásšaddanbirrasa ja dus leat attáldagat doaibmat mánáid dárbbuid mielde.
  • Dus lea fágalaš beroštupmi mánáid ovdáneami ektui ja dáhttu ovdánit fágalaččat
  • Dus leat buorit gulahallan- ja bargonávccat, nu ahte leat mielde doalaheamen ja ovddideamen buori bargobirrasa
  • Don oainnát čovdosiid hástalusaide mat beaivválaččat bohciidit
  • Don leat mielde ovdánahttimin organisašuvnna oktasaš pedagogalaš gulahallanvuogádas 
  • Dus lea máhttu ásahit ja doalahit buori oktavuođa vánhemiide
  • Don leat positiivvalaš, luohtehahtti, lojála ja iešheanalaš ja dus lea bargomokta beaivválaš doaimmas
  • Dus lea bargovásáhus mánáidgárddis/skuvllas

 

Virgái:

  • Virgáinammadeapmi dáhpáhuvvá gustojeaddji lágaid ja soahpamušaid eavttuid ja geatnegasvuođaid mielde.
  • Vai sáhttá virgáinammaduvvot Oahppogálddu bargin, eaktuda ovdanbuktit dohkkehuvvon politiijaduođáštusa.
  • Áigeguovdilis kándidahtat bovdehuvvojit jearahallamii.
  • Relevanta oahppu, bargovásáhus ja persovnnalaš dohkálašvuohta deattuhuvvojit.
  • Ovdamunni vearuhusas / studerenloana geahpedeapmi Stuorradikki mearrádusaid mielde, gč. http://www.tiltakssonen.no/

 

 

 

 

Ohcanáigemearri: 11.06.16

 

Ohcan sáddejuvvo oktan CV:in ja referansaiguin:

postmottak@nesseby.kommune.no

 

Duođaštusaid válddát mielde jus bovdejuvvot jearahallamii.

 

Tips en venn  Skriv ut
Web levert av CustomPublish AS