• Fiskelykke
  • Reingjærde
  • Catwalk
  • Brygge
  •  17 mai
  • toppbilde 1
  • toppbilde 2
logo

Soabatmeahttunvuohta vuorrobarggu ektui

Hálddahus lea otne dieđihan Unjárgga ovdagoddái ahte ii leat ovttaoaivilvuohta vuorrobarggu ektui sin ja buohccedivššáriid,geat gullet Norsk Sykepleierforbundii,bealis.

Gielda lea diibmá čakčamánu rájes juovlamánnui bargan ođđa vuorrobargoortnegiin dikšun- ja fuolahusossodaga bargiide. Buot fágasearvvit leat leamašan mielde prosessas sihke bargojoavkkuin ja formálalaš ságastallamiin. Juovlamánus čáliiga Fágalihttu ja Delta vuollái vuorrobargošiehtadusa, mii sisttisdoallá bargat juohke goalmmát vahkkoloahpa ja ovtta liige vahkkoloahppafávtta jahkkásaččat. 

Dán vuorrobargoortnega mielde leat dearvvašvuođabargit ja dikšunassisteanttat bargan ođđajagemánu rájes.  Bargoaddin ferte Unjárgga gielda čuovvut Bargobiraslága mearrádusaid vuorrobargguid ektui jos fágalihttut eai leat ovttaoaivilis. Gielda lea danne ráhkadan buohccedivššáriid várás ođđa vuorrobargoortnega, mii ii oru leamen buorre bargoaddi dahje bargiid oainnuid mielde.

Dađibahábut lea dát áidna vejolašvuohta gielddas ná dahkat, go leat lága mielde geatnegahttojuvvon ahte buot dikšun- ja fuolahus bargiin galgá leat bargoplána.  Unjárgga gielda dego bargoaddi šálloša dili ja bovde ođđasit Norsk Sykepleierforbund ođđa čielggadančoahkkimiidda.

 

Tips en venn  Skriv ut
Web levert av CustomPublish AS